મીડિયા અહેવાલ મુજબ, "દીપકે કાનમાં હૅડફોન લગાવ્યા હતા," એક પ્રત્યક્ષદર્શીએ જણાવ્યું. "ભલે રહેવાસીઓએ તેને બાજુ પર જવા માટે બોલાવ્યો, પણ તે હૅડફોનને લીધે સાંભળી શક્યો નહીં અને વાયરના સંપર્કમાં આવ્યો." ઇલેક્ટ્રિક શૉક જીવલેણ હતો અને તેનું ઘટનાસ્થળે જ મોત.
વાયરલ વીડિયોમાંથી સ્ક્રીન શૉટ (તસવીર: X)
મુંબઈમાં આ અઠવાડિયાથી જોરદાર વરસાદ વરસી રહ્યો છે, જેને લીધે અનેક વિસ્તારોમાં મોટા પ્રમાણમાં પાણી ભરાઈ ગયા હતા અને લોકોને ભારે મુસીબતનો સામનો કરવો પડ્યો હતો. જોકે આ બધા વચ્ચે મુંબઈના ભાંડુપમાં એક અત્યંત દુઃખદ ઘટના બની હતી. પાણી ભરાયેલા રસ્તા પર ચાલતા એક યુવાનને વીજળીનો કરંટ લગતા તેનું ઘટનાસ્થળે જ મૃત્યુ થયું હતું. દુર્ઘટનાનો સીસીટીવી ફૂટેજ હવે સામે આવ્યો છે.
ભાંડુપના પન્નાલાલ કમ્પાઉન્ડ વિસ્તારમાં મંગળવારે રસ્તા પર 17 વર્ષનો દીપક પિલે નામનો છોકરો અકસ્માતે હાઇ-વૉલ્ટેજ વાયરના સંપર્કમાં આવી જતાં તેનું મોત નીપજ્યું છે. દીપક એલબીએસ રોડ પર પોતાના ઘર તરફ ચાલી રહ્યો હતો ત્યારે તેણે તૂટીને જમીન પર ખુલ્લા પડેલા વાયરને તે સ્પર્શી ગયો હતો. મીડિયા અહેવાલ મુજબ, "દીપકે કાનમાં હૅડફોન લગાવ્યા હતા," એક પ્રત્યક્ષદર્શીએ જણાવ્યું. "ભલે રહેવાસીઓએ તેને બાજુ પર જવા માટે બોલાવ્યો, પણ તે હૅડફોનને લીધે સાંભળી શક્યો નહીં અને વાયરના સંપર્કમાં આવ્યો." ઇલેક્ટ્રિક શૉક જીવલેણ હતો અને તેનું ઘટનાસ્થળે જ મોત નીપજ્યું.
ADVERTISEMENT
અહીં જુઓ વીડિયો
MUMBAI: भांडुप में खुले हाई-टेंशन वायर ने ले ली एक और जान।
— Amit Sahu?? (@amitsahujourno) August 20, 2025
हेडफोन पहने दीपक को लोगों ने चेताया, मगर आवाज़ नहीं सुन पाया—झटका लगा और वहीं उसकी मौत हो गई।
बेसुध सिस्टम और लापरवाही ने फिर निगली एक मासूम ज़िंदगी! #MumbaiRains #Mumbai #MumbaiRain pic.twitter.com/L1ZRe1sFZQ
વિસ્તારના રહેવાસીઓએ અગાઉ અન્ય લોકોને વાયરથી દૂર રહેવાની ચેતવણી આપી હતી, જે પહેલાથી જ જોખમ ઉભું કરી ચૂક્યું હતું. તેમની ચેતવણીઓએ અગાઉ ઘણા લોકોને કોઈ મોટી જાનહાનિ ટાળવામાં મદદ કરી હતી. સોશિયલ મીડિયા પર સામે આવેલા એક વીડિયોમાં દીપક પાણી ભરાયેલા રસ્તા પર ચાલતો જોવા મળી રહ્યો છે. નજીકથી એક બસ પસાર થતી વખતે, પાણીની નીચે વાયરથી અજાણ દીપક ચાલતો રહ્યો. થોડીવાર પછી, તે વાયરના સંપર્કમાં આવ્યો અને પડી ગયો. રહેવાસીઓએ તેને ચેતવણી આપવાના પ્રયાસો છતાં, તેણે પહેરેલા હૅડફોનને લીધે તે લોકોનો અવાજ સાંભળી શક્યો નહીં.
કિંગ્સ સર્કલ સ્ટેશન નજીક બેસ્ટ મીટર બૉક્સમાં શોર્ટ સર્કિટથી આગ લાગી; અધિકારીઓ ઘટનાસ્થળે દોડી ગયા
રવિવારે મુંબઈથી શૉક સર્કિટ સંબંધિત અન્ય એક સમાચારમાં, ટકીલા બાર બિલ્ડિંગ નજીક અમૃત હૉલટેલની બહાર ફૂટપાથ પર સ્થિત લાલ રંગના બેસ્ટ મીટર બૉક્સમાં શોર્ટ સર્કિટને કારણે આગ લાગી હતી. ધુમાડો અને આગના અચાનક ગોટાળાને કારણે વિસ્તારમાં લોકોમાં ગભરાટ ફેલાયો હતો. ફાયર બ્રિગેડ અને સાયન પોલીસ પરિસ્થિતિને કાબુમાં લેવા માટે ઝડપથી સ્થળ પર પહોંચી ગઈ હતી. બેસ્ટના અધિકારીઓ પણ નુકસાનનું મૂલ્યાંકન કરવા અને ઘટનાના ટૅકનિકલ પાસાઓનું સંચાલન કરવા માટે રવાના થઈ રહ્યા છે.
કિંગ્સ સર્કલ સ્ટેશન નજીકનો આ વિસ્તાર ભારે વરસાદ દરમિયાન 4 થી 5 ફૂટ સુધીના મોટા પ્રમાણમાં પાણી ભરાવા માટે જાણીતો છે. અધિકારીઓ નોંધે છે કે આવી પરિસ્થિતિઓ શોર્ટ સર્કિટ અને સંબંધિત આગના જોખમોની સંભાવનાને નોંધપાત્ર રીતે વધારે છે.
