Mumbai Rains: NMMC ના ડિઝાસ્ટર મેનેજમેન્ટ સેલના જણાવ્યા અનુસાર, શહેરના વિવિધ ભાગોમાં વૃક્ષો પડવાના છ થી સાત બનાવો નોંધાયા છે. સોમવારે સાંજે 5 વાગ્યા સુધીના વરસાદના આંકડા દર્શાવે છે કે ઐરોલીમાં સૌથી વધુ 82 મીમી વરસાદ પડ્યો હતો.
અંધેરીનો અંડરપાસ અને વાશીમાં દીવાલ ધરાશાયી (તસવીર: X)
મુંબઈ અને તેની આસપાસના ઉપનગરોમાં રવિવારે રાતથી જ ભારા પવનો સાથે જોરદાર વરસાદ પડી રહ્યો છે. બીજા દિવસે સોમવારે 16 જૂનના રોજ પણ તે શરૂ જ રહેતા શહેરમાં ઑરેન્જ ઍલર્ટ જાહેર કરવામાં આવ્યું છે. ભારે વરસાદને લીધે શહેરમાં અનેક વિસ્તારોમાં પાણી ભરાઈ જતાં રોડ, રેલવે અને ફ્લાઇટ સેવાઓ ખોરવાઈ હતી. જોકે વરસાદને લીધે મુંબઈમાં દુર્ઘટનાઓ સર્જાઈ જ રહી છે. દીવાલ પડી જવી કે પછી રેલવે ટ્રેક પર પાણી ભરાઈ જવા સાથે અનેક વિસ્તારોમાં પાણી ભરાઈ જતાં વાહનવ્યવહાર ખોરવાયો છે અને લોકોની પણ મુસીબત વધી છે.
સોમવારે બપોરે ભારે વરસાદને કારણે વાશી પ્લાઝા કમર્શિયલ કૉમ્પ્લેક્સની બાઉન્ડ્રી દીવાલ ધરાશાયી થતાં અનેક વાહનોને નુકસાન થયું હતું. સદનસીબે, આ ઘટનામાં કોઈ જાનહાનિ થઈ નથી. વાશીના સૅક્ટર 17માં સ્થિત વાશી પ્લાઝા એક કમર્શિયલ હબ છે જ્યાં અનેક ઑફિસો, ઇલેક્ટ્રોનિક્સ સ્ટોર્સ અને ટૂર અને ટ્રાવેલ એજન્સીઓ છે. નવી મુંબઈ મ્યુનિસિપલ કોર્પોરેશન (NMMC) ના ડિઝાસ્ટર મેનેજમેન્ટ સેલના જણાવ્યા અનુસાર, આ ઘટના બપોરે 3:20 વાગ્યાની આસપાસ બની હતી.
ADVERTISEMENT
A shocking incident occurred in Navi Mumbai`s Vashi Sector 17, a portion of the famous Vashi Plaza building`s wall suddenly collapsed, causing a shocking incident. The wall fell onto the adjacent parking area, damaging several two-wheelers and four-wheelers. pic.twitter.com/wS1JTlhtdz
— Krishna Kant Mishra (@KKMishraOffice) June 16, 2025
બાઉન્ડ્રી દીવાલ ધરાશાયી થતાં કૉમ્પ્લેક્સની અંદર પાર્ક કરેલા અનેક ટુ-વ્હીલરને નુકસાન થયું હતું. વધુમાં, કૉમ્પ્લેક્સની ગટર વ્યવસ્થા પણ ધરાશાયી થઈ હતી,” નવી મુંબઈ મ્યુનિસિપલ કૉર્પોરેશન (NMMC) ના ડિઝાસ્ટર મેનેજમેન્ટ સેલના એક અધિકારીએ જણાવ્યું હતું. આ ઘટનાને કારણે કૉમ્પ્લેક્સની બાજુમાં આવેલો એક નાનો બગીચો પણ ધરાશાયી થયો હતો. દરમિયાન, ઇન્દિરાનગર, તુર્ભે અને તુર્ભે રેલ્વે સ્ટેશન સબવેમાં પાણી ભરાઈ ગયાના અહેવાલ છે. NMMC ના ડિઝાસ્ટર મેનેજમેન્ટ સેલના જણાવ્યા અનુસાર, શહેરના વિવિધ ભાગોમાં વૃક્ષો પડવાના છ થી સાત બનાવો નોંધાયા છે. સોમવારે સાંજે 5 વાગ્યા સુધીના વરસાદના આંકડા દર્શાવે છે કે ઐરોલીમાં સૌથી વધુ 82 મીમી વરસાદ પડ્યો હતો, ત્યારબાદ વાશીમાં 72.9 મીમી વરસાદ પડ્યો હતો. દિઘા અને કોપરખૈરાણેમાં 50 મીમીથી વધુ વરસાદ નોંધાયો હતો.
#WATCH | Maharashtra: Part of the road caves in at Vashi Plaza Commercial Complex in Navi Mumbai during heavy rains. pic.twitter.com/FFTJBDhzw7
— ANI (@ANI) June 16, 2025
ભારે વરસાદને લીધે અંધેરી સબવે પૂર્ણપણે બંધ
વરસાદને લીધે પાણી ભરાઈ જતાં અંધેરી સબવે બંધ કરવામાં આવ્યો છે. ભારે વરસાદના કારણે નીચાણવાળા અંડરપાસમાં આશરે 3 થી 4 ફૂટ પાણી ભરાઈ ગયું હતું, જેના કારણે ટ્રાફિક અને દૈનિક મુસાફરીમાં અવરોધ ઉભો થયો હતો. પરિસ્થિતિને નિયંત્રિત કરવા, ટ્રાફિકને રીડાયરેક્ટ કરવા અને જાહેર સલામતી સુનિશ્ચિત કરવા માટે મુંબઈ પોલીસ સ્થળ પર તહેનાત કરવામાં આવી છે. પ્રવેશ અટકાવવા માટે બૅરિકેડ મૂકવામાં આવ્યા છે, અને અધિકારીઓ મુસાફરોને પાણી ઓછું ન થાય ત્યાં સુધી આ વિસ્તારથી દૂર રહેવા વિનંતી કરી રહ્યા છે. અંડરપાસમાં પાણી ભરાઈ જવાનો વીડિયો સામે આવ્યો છે, જેમાં જોવા મળી રહ્યું છે કે, તેમાં પાણી ભરાઈ ગયું છે અને પ્લાસ્ટિકનો કચરો બહાર આવી રહ્યો છે. આ વીડિયો મિડ-ડેના એક વાચક દ્વારા રેકોર્ડ કરવામાં આવ્યો હતો.
