ફાયર-બ્રિગેડના જવાનોએ સીડી ગોઠવીને અને દોરડું બાંધીને તેને વધુ ઈજા ન થાય એ બાબતનું ધ્યાન રાખીને બહુ જ સાવચેતીથી નીચે ઉતારીને સારવાર માટે હૉસ્પિટલમાં મોકલી હતી.
વાઇરલ વિડીયોમાંથી સ્ક્રીનશૉટ
મૉન્સૂનમાં મુંબઈ સહિત અનેક જગ્યાએ ઝાડ પડવાને કારણે લોકોનાં મૃત્યુ થયાં હોવાની ઘટનાઓ બની હતી. જોકે હવે ઝાડને કારણે જીવ બચી ગયો હોવાની ઘટના બહાર આવી છે. ભાંડુપ-વેસ્ટના સોનાપુર પાસે આવેલા સનશાઇન બિલ્ડિંગના દસમા માળથી એક મહિલા નીચે પડી હતી. જોકે તેનું નસીબ બળવાન કે તે પડી તો ખરી, પણ બિલ્ડિંગ પાસે આવેલા ઝાડમાં ફસાઈ ગઈ હતી જેને કારણે તે જમીન પર નહોતી પડી પણ ઝાડની ડાળીઓમાં જોશભરે પટકાઈને ફસાઈ જતાં તેને ઈજા થઈ હતી પણ બચી ગઈ હતી. ઝાડ પર પડવાથી તે બેભાન થઈ ગઈ હતી. આ વિશે ફાયર-બ્રિગેડને જાણ કરવામાં આવતાં ફાયર-બ્રિગેડના જવાનોએ સીડી ગોઠવીને અને દોરડું બાંધીને તેને વધુ ઈજા ન થાય એ બાબતનું ધ્યાન રાખીને બહુ જ સાવચેતીથી નીચે ઉતારીને સારવાર માટે હૉસ્પિટલમાં મોકલી હતી.
વસઈમાં ખાડાના કારણે ટેમ્પો પલટી થયો: રસ્તાની દુર્દશાથી વાહનચાલકોની સુરક્ષા સામે સવાલ
ADVERTISEMENT
વસઈ-વેસ્ટમાં રસ્તા પરના ખાડાના કારણે એક ટેમ્પો પલટી જવાની ઘટના સામે આવી છે. ટેમ્પોનું ટાયર રસ્તા પરના એક ઊંડા ખાડામાં ફસાઈ જતાં ડ્રાઇવરે વાહન પરનો કાબૂ ગુમાવ્યો હતો જેના કારણે ટેમ્પો રોડ પર જ ઊંધો વળી ગયો હતો. આ ઘટનાનો વિડિયો સોશ્યલ મીડિયા પર વાઇરલ થતાં જ વસઈના બિસમાર રસ્તાઓ અને ખાડાઓની સમસ્યા ફરી એક વાર ભારે ચર્ચામાં આવી છે. આ અકસ્માતે સ્થાનિક તંત્રની નિષ્ક્રિયતા છતી કરીને મોટરિસ્ટોની સુરક્ષા સામે ગંભીર સવાલો ઊભા કર્યા છે.
