નીતા અંબાણીએ કર્યું વન-સ્ટેપ બ્રેસ્ટ ક્લિનિકનું ઉદ્ઘાટન
નીતા અંબાણી
વર્લ્ડ કૅન્સર ડે નિમિત્તે ગઈ કાલે રિલાયન્સ ફાઉન્ડેશનનાં ફાઉન્ડર અને ચૅરપર્સન નીતા અંબાણીએ સર એચએન રિલાયન્સ ફાઉન્ડેશન હૉસ્પિટલમાં ‘વન-સ્ટૉપ બ્રેસ્ટ ક્લિનિક’નું ઉદ્ઘાટન કર્યું હતું. વિશ્વભરમાં અને દેશમાં જ્યાં અનેક મહિલાઓ આ સમસ્યાનો સામનો કરી રહી છે ત્યાં આ હૉસ્પિટલમાં માત્ર બે કલાકમાં જ બ્રેસ્ટના સંભવિત રોગનું મૂલ્યાંકન, નિદાન અને ઉપચાર કરવામાં આવશે.
આ પ્રસંગે નીતા અંબાણીએ કહ્યું કે ‘અમે રિલાયન્સ ફાઉન્ડેશન હૉસ્પિટલમાં કૉમ્પ્રિહેન્સિવ ઑન્કોલૉજી ડિપાર્ટમેન્ટ શરૂ કર્યો છે જે દેશના બેસ્ટ રીહૅબ સેન્ટરમાંનું એક છે. અમારા જેવી ઑન્કોલૉજી સર્વિસ બીજે ક્યાંય મળે એમ નથી. અમે ખરેખર, દિલથી સેવા આપીયે છીએ.’
ADVERTISEMENT
રિલાયન્સ ફાઉન્ડેશન હૉસ્પિટલના સીઈઓ ડૉ. તરંગ ગાયચંદાનીએ મહિલાઓ માટે આ સેવા શરૂ થતાં આનંદ વ્યક્ત કર્યો હતો જ્યાં તેમને તમામ પ્રકારની સુવિધા અને ઉપચાર એક જ સ્થળે મળી રહેશે.