° °

આજનું ઇ-પેપર
Friday, 12 August, 2022


રાજકીય ભેદભાવથી કાઢવામાં આવી વિધાનસભ્યોની સિક્યૉરિટી?

26 June, 2022 11:03 AM IST | Mumbai
Gujarati Mid-day Correspondent | feedbackgmd@mid-day.com

શિંદેએ મુખ્ય પ્રધાન ઉદ્ધવ ઠાકરે અને ગૃહપ્રધાન દિલીપ વળસે-પાટીલ પર દોષનો ટોપલો ઢોળ્યો : જોકે ગૃહપ્રધાને આવો કોઈ પણ નિર્ણય લીધો હોવાની સાફ ના પાડી દીધી

ફાઇલ તસવીર

ફાઇલ તસવીર

બળવો કરનારા શિવસેનાના ૪૦ જેટલા વિધાનસભ્યોની સિક્યૉરિટી પાછી ખેંચવા બાબતે એકનાથ શિંદેએ ગઈ કાલે મુખ્ય પ્રધાન ઉદ્ધવ ઠાકરે અને ગૃહપ્રધાન દિલીપ વળસે-પાટીલે રાજકીય ભેદભાવથી નિર્ણય લીધો હોવાનો આરોપ કર્યો હતો. પોલીસને હટાવી લેવામાં આવી હોવાથી આ વિધાનસભ્યોના પરિવારજનોને કંઈ થશે તો એના માટે આ બંને નેતાઓ જવાબદાર રહેશે એવી એકનાથ શિંદેએ ટ્વીટ કરી હતી. જોકે ગૃહપ્રધાન દિલીપ વળસે-પાટીલે કહ્યું હતું કે કોઈ વિધાનસભ્યની સિક્યૉરિટી પાછી ખેંચવામાં નથી આવી.

શિવસેનામાં બળવો કરીને ગુવાહાટીની હોટેલમાં પહોંચેલા ૪૬ જેટલા વિધાનસભ્યોની પોલીસ સિક્યૉરિટી પાછી ખેંચી લેવામાં આવી હોવાની માહિતી મળ્યા બાદ એકનાથ શિંદેએ ગઈ કાલે ટ્વીટ કરી હતી કે ‘રાજકીય ભેદભાવની ભાવનાથી મહાવિકાસ આઘાડી સરકારે આ નિર્ણય લીધો છે. અમારા પરિવારજનોની સલામતીની જવાબદારી રાજ્ય સરકારની છે. અમારા પરિવારજનોને ધમકાવવાના પ્રયાસ થઈ રહ્યા છે. તેમને કંઈ થશે તો એના માટે મુખ્ય પ્રધાન ઉદ્ધવ ઠાકરે, શરદ પવાર, આદિત્ય ઠાકરે અને સંજય રાઉત જવાબ રહેશે.’

વિધાનસભ્યોના પરિવારજનોની સુરક્ષા બાબતે એકનાથ શિંદેએ મુખ્ય પ્રધાન ઉદ્ધવ ઠાકરે, ગૃહપ્રધાન દિલીપ વળસે-પાટીલ અને રાજ્યના પોલીસ વડા રજનીશ સેઠને પત્ર લખ્યો હોવાનું જાણવા મળ્યું હતું.

ગૃહપ્રધાન દિલીપ વળસે-પાટીલે ટ્વીટ કરીને કહ્યું હતું કે ‘રાજ્યના કોઈ પણ વિધાનસભ્યનું સંરક્ષણ પાછું ખેંચવાનો આદેશ મુખ્ય પ્રધાને કે ગૃહવિભાગે નથી આપ્યો. આ બાબતે ટ્વિટર પર કરવામાં આવતો આરોપ ખોટો અને દિશાભૂલ કરનારો છે. રાજ્યમાં શિવસૈનિકોની વધી રહેલી નારાજગી અને બળવો કરનારા વિધાનસભ્યોની ઑફિસની થઈ રહેલી તોડફોડને ધ્યાનમાં રાખીને તેમના પરિવારજનોની સલામતી પર ધ્યાન આપવાનો આદેશ પોલીસને આપવામાં આવ્યો છે.

26 June, 2022 11:03 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

સુરતથી ગુવાહાટીની ચાર્ટર્ડ ફ્લાઇટના કેટલા પૈસા થયા અને એ કોણે ખર્ચ્યા?

એકનાથ શિંદે ગ્રુપે ઉપયોગમાં લીધેલી ચાર્ટર્ડ ફ્લાઇટ્સની વિગતો આરટીઆઇમાં પૂછનાર ગુજરાતી પૉલિટિશ્યનને ઍરપોર્ટ ઑથોરિટી ઑફ ઇન્ડિયાએ જવાબ આપ્યો કે અમારી પાસે એની વિગતો નથી. અરજીકર્તા અપીલમાં ગયા

11 August, 2022 10:25 IST | Mumbai | Mehul Jethva
મુંબઈ સમાચાર

એકનાથ શિંદે સાથે બીજેપીની એનસીપીવાળી

કૅબિનેટમાં સમાન ભાગીદારી છતાં એકનાથ શિંદે જૂથ કરતાં બીજેપીના પ્રધાનોને ૨૮ ટકા વધુ ભંડોળ મળશે : સરકારમાં કૅબિનેટ પ્રધાનોને ફાળવવામાં આવેલાં ખાતાંના બજેટ મુજબ બીજેપીને ૧,૧૩,૩૦૧ હજાર કરોડ તો એકનાથ શિંદે જૂથને ૮૧,૭૩૪ હજાર કરોડ ફાળવવામાં આવશે

11 August, 2022 09:52 IST | Mumbai | Gujarati Mid-day Correspondent
મુંબઈ સમાચાર

એકનાથ શિંદેનો ‘ભત્રીજો’ જુગાર રમતાં પકડાયો

ધરપકડથી બચવા મુખ્ય પ્રધાન સાથેની અનેક તસવીરો તેણે પોલીસને બતાવી, પણ શિવસેનાના શાખાપ્રમુખનો આ દાવો ખોટો નીકળ્યો 

10 August, 2022 08:46 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK