° °

આજનું ઇ-પેપર
Sunday, 01 August, 2021


મહારાષ્ટ્રના પૂર્વ ગૃહપ્રધાન અનિલ દેશમુખના ઘરે ઈડીના દરોડા

25 June, 2021 01:40 PM IST | mumbai | Gujarati Mid-day Online Correspondent

મહારાષ્ટ્રના પૂર્વ ગૃહપ્રધાન અનિલ દેશમુખના નાગપુરમાં આવેલા ઘરમાં ઈડીના દરોડા પાડવામાં આવ્યા છે.

 અનિલ દેશમુખ (ફાઈલ ફોટો)

અનિલ દેશમુખ (ફાઈલ ફોટો)

મહારાષ્ટ્રના પૂર્વ ગૃહ પ્રધાન અને એનસીપી નેતા અનિલ દેશમુખના નાગપુરમાં આવેલા ઘર પર ઈડી દ્વારા દરોડા પાડવામાં આવ્યાં હતાં. પૂર્વ પોલીસ કમિશનર પરમબીર સિંહ દ્વારા ગેરવસૂલી કરવાના આરોપો બાદ તેમણે રાજીનામું આપ્યું હતું. 

ઈડીનું સર્ચ ઓપરેશન નાગપુરમાં ઇડીના મુંબઇ એકમ દ્વારા હાથ ધરવામાં આવ્યું છે. તમને જણાવી દઈએ કે મુંબઈના ભૂતપૂર્વ પોલીસ કમિશનર પરમબીરસિંહે કરેલા આરોપોના કેસમાં સીબીઆઈ પાસે મહારાષ્ટ્રના ભૂતપૂર્વ ગૃહ પ્રધાન અનિલ દેશમુખ અને અન્ય લોકો સામે એફઆઈઆર નોંધાઈ છે. મુંબઈ પોલીસ કમિશનર પરમબીરસિંહે પદ છોડ્યા પછી મહારાષ્ટ્રના મુખ્યપ્રધાન ઉદ્ધવ ઠાકરેને પત્ર લખીને કહ્યું હતું કે દેશમુખે વાઝે સહિત કેટલાક પોલીસ અધિકારીઓને રેસ્ટરન્ટ્સ અને બારમાંથી દર મહિને 100 કરોડ રૂપિયા વસૂલવાનો ટાર્ગેટ આપ્યો હતો.  દેશમુખે આ આરોપોને નકારી દીધા હતા. પ્રાથમિક તપાસના આદેશ બાદ દેશમુખે તેમના પદ પરથી રાજીનામું આપ્યું હતું.

25 માર્ચે પરમબીરસિંહે સીબીઆઈ તપાસની માંગ કરી દેશમુખ વિરુદ્ધ ફોજદારી પીઆઈએલ દાખલ કરી હતી, જેમાં તેમણે દાવો કર્યો હતો કે દેશમુખે સસ્પેન્ડ પોલીસ અધિકારી સચિન વાઝે અને અન્ય અધિકારીઓને બાર અને રેસ્ટોરન્ટ્સમાંથી 100 કરોડ રૂપિયા વસૂલવા કહ્યું હતું. પરમબીર સિંહે શરૂઆતમાં સુપ્રીમ કોર્ટમાં દાવો કર્યો હતો કે મુખ્યપ્રધાન ઉદ્ધવ ઠાકરે અને અન્ય વરિષ્ઠ નેતાઓને દેશમુખની "ભ્રષ્ટ વર્તન" અંગે ફરિયાદ કર્યા પછી તેમની બદલી કરવામાં આવી હતી. 

સુપ્રીમ કોર્ટે મહારાષ્ટ્રના ભૂતપૂર્વ ગૃહ પ્રધાન અનિલ દેશમુખ પર દર મહિને 100 કરોડ રૂપિયા વસૂલવાના આરોપોને ગંભીર ગણાવ્યા હતા. કોર્ટે સીબીઆઈ તપાસના બોમ્બે હાઈકોર્ટના આદેશ પર કહ્યું હતું કે આમાં જે ખોટું છે, શું આવા કેસોની સ્વતંત્ર તપાસ એજન્સી દ્વારા તપાસ થવી જોઈએ નહીં. કોર્ટે તપાસમાં રોકવા અથવા દખલ કરવાનો ઇનકાર કર્યો હતો અને કહ્યું હતું કે અનિલ દેશમુખ વિરુદ્ધ સીબીઆઈ તપાસ ચાલુ રહેશે.

25 June, 2021 01:40 PM IST | mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

ગૃહ મંત્રાલયે કોરોનાની ગાઈડલાઈન્સ ૩૧ ઓગસ્ટ સુધી લંબાવી

MHAનો સ્પષ્ટ નિર્દેશ: સખ્તાઈ યથાવત રાખો

28 July, 2021 06:04 IST | New Delhi | Gujarati Mid-day Online Correspondent
રાષ્ટ્રીય સમાચાર

મહારાષ્ટ્રમાં પૂરગ્રસ્ત જિલ્લામાં અંદાજીત 1700 કરોડનું નુકસાન

મહારાષ્ટ્રમાં ભારે વરસાદને કારણે કેટલાય લોકોના જીવ ગયા છે. આ સાથેજ પૂરગ્રસ્ત વિસ્તારોમાં કરોડોનું નુકસાન થયુ છે.

27 July, 2021 08:16 IST | mumbai | Gujarati Mid-day Online Correspondent
રાષ્ટ્રીય સમાચાર

મહારાષ્ટ્ર 1 કરોડ લોકોને સંપૂર્ણ રસી આપનાર પ્રથમ અને એકમાત્ર રાજ્ય બન્યું

મહારષ્ટ્રમાં 1 કરોડ લોકોને કોરોના રસીના બંને ડોઝ આપવામાં આવ્યાં છે. આ સાથે જ આટલા લોકોને રસી આપનાર એકમાત્ર અને પ્રથમ રાજ્ય મહારષ્ટ્ર બન્યું છે.

26 July, 2021 07:17 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK