Veer Savarkar College Controversy: કૉંગ્રેસના NSUI વિંગે કહ્યું કે દેશમાં ઘણા સ્વાતંત્ર્ય સેનાનીઓ છે. સરકાર તેમાંના કોઈપણના નામ પર યુનિવર્સિટીનું નામ આપી શકી હોત. દિલ્હી યુનિવર્સિટીનું નામ પણ સ્વતંત્રતા સેનાનીના નામ પર રાખવામાં આવ્યું હોત.
વીર સાવરકર અને ડૉ. મનમોહન સિંહ
દિલ્હી યુનિવર્સિટી (DU)ની વીર સાવરકર કૉલેજ (નજફગઢ)ના (Veer Savarkar College Controversy) શિલાન્યાસ સમારોહને લઈને રાજકીય વર્તુળમાં હોબાળો મચી ગયો છે. આ કૉલેજનું વડા પ્રધાન નરેન્દ્ર મોદી શુક્રવારે શિલાન્યાસ કરી શકે છે એવા અહેવાલ છે. જોકે બીજી તરફ આ વાતને લઈને કૉંગ્રેસનું વિદ્યાર્થી સંગઠન નેશનલ સ્ટુડન્ટ્સ યુનિયન ઓફ ઈન્ડિયા (NSUI) વિરોધ કરી રહ્યું છે. તેઓ ઇચ્છે છે કે યુનિવર્સિટીનું નામ ભૂતપૂર્વ વડા પ્રધાન મનમોહન સિંહના નામ પર રાખવામાં આવે, જેમનું ગયા મહિને અવસાન થયું હતું.
NSUIએ પીએમ મોદીને (Veer Savarkar College Controversy) પત્ર લખીને ત્રણ માગણીઓ રજૂ કરી છે. સૌપ્રથમ, દિલ્હી યુનિવર્સિટીમાં ડૉ. મનમોહન સિંહના નામ પર વિશ્વ કક્ષાની કૉલેજ બનાવવી જોઈએ. બીજું, તેમના નામે કેન્દ્રીય યુનિવર્સિટીની સ્થાપના થવી જોઈએ. ત્રીજું, વિભાજન પછીના વિદ્યાર્થીથી લઈને વૈશ્વિક હસ્તી સુધીની તેમની જીવનયાત્રાનો શૈક્ષણિક અભ્યાસક્રમ અને રાજકીય ક્ષેત્રે સમાવેશ થવો જોઈએ. કૉંગ્રેસના NSUI વિંગે કહ્યું કે દેશમાં ઘણા સ્વાતંત્ર્ય સેનાનીઓ છે. સરકાર તેમાંના કોઈપણના નામ પર યુનિવર્સિટીનું નામ આપી શકી હોત. દિલ્હી યુનિવર્સિટીનું નામ પણ સ્વતંત્રતા સેનાનીના નામ પર રાખવામાં આવ્યું હોત. કૉંગ્રેસ સાવરકરને સ્વાતંત્ર્ય સેનાની માનતી નથી. કૉંગ્રેસના સાંસદ ડૉ. સૈયદ નસીર હુસૈને કહ્યું, “દેશની સાર્વભૌમત્વ અને સ્વતંત્રતા માટે ઘણા સ્વાતંત્ર્ય સેનાનીઓએ પોતાના જીવનનું બલિદાન આપ્યું. જો તેઓએ કૉલેજનું નામ તેમાંથી કોઈના નામ પર રાખ્યું હોત તો તે તેમને શ્રદ્ધાંજલિ ગણાત. તેમણે વધુમાં કહ્યું, `પરંતુ ભાજપ પાસે કોઈ નેતા કે રોલ મોડલ ન હોવાથી તેઓ બ્રિટિશ રાજને ટેકો આપનારાઓને પ્રોત્સાહન અને કાયદેસર બનાવી રહ્યા છે.”
ADVERTISEMENT
આ બાબતે હવે રાજકીય વળાંક લેતા વિવાદ વધવા લાગ્યો છે. એક તરફ ભાજપ સાવરકરને મહાન વ્યક્તિ તરીકે જુએ છે તો બીજી તરફ કૉંગ્રેસ તેમને અંગ્રેજોના સમર્થક માને છે. આ વિવાદ વચ્ચે NSUIએ પૂર્વ વડા પ્રધાન મનમોહન સિંહની યાદમાં શૈક્ષણિક સંસ્થાઓનું નામકરણ કરવાની માગ કરી છે. આ મુદ્દે સરકાર શું નિર્ણય લે છે તે જોવું રસપ્રદ રહેશે. આ વિવાદ માત્ર બે વિચારધારાઓ વચ્ચેની લડાઈને જ પ્રતિબિંબિત કરતું નથી પણ એ પણ દર્શાવે છે કે ઈતિહાસના વિવિધ નાયકો કેવી રીતે અલગ-અલગ ધારણાઓ ધરાવી શકે છે. આગામી દિવસોમાં પણ આ ચર્ચા જારી રહેવાની આશા છે અને આ સાથે બન્ને પક્ષો વચ્ચે ઉગ્ર દલીલો થઈ શકે છે અને સંસદમાં પણ મોટો હોબાળો થવાની શક્યતા છે. ભૂતપૂર્વ વડા પ્રધાન દિવંગત ડૉ. મનમોહન સિંહના માનમાં સ્મારક બનાવવા માટેની પ્રક્રિયાનો કેન્દ્ર સરકારે આરંભ કર્યો છે અને આ મેમોરિયલની જગ્યાની પસંદગી માટે ડૉ. મનમોહન સિંહના પરિવારને વિવિધ સ્થળોની જાણકારી આપવામાં આવી છે. તેઓ સ્થળની પસંદગી કરશે પછી કન્સ્ટ્રક્શનનું કામ આગળ વધશે, પણ એ પહેલાં કેટલીક કાનૂની વિધિ પણ પાર પાડવી પડશે.
