આ પહેલાં કેટલાક ભક્તો હવાઈ જહાજ, વાંસળી, ઈંટ, હેલિકૉપ્ટર, ક્રિકેટની કિટ જેવી જાતજાતની ચાંદીની બનેલી ચીજો ચડાવી ચૂક્યા છે.
૧૦ કિલો ચાંદીનો પેટ્રોલ-પમ્પ સાંવલિયા શેઠને અર્પણ થયો
રાજસ્થાનના ચિત્તોડગઢ જિલ્લામાં આવેલા શ્રી સાંવલિયા સેઠ મંદિરમાં એક ભક્તે પોતાની મનોકામના પૂરી થઈ તો ૧૦ કિલો વજનનો ચાંદીનો પેટ્રોલ-પમ્પ પ્રભુને અર્પણ કર્યો છે. સાંવલિયા સેઠના દરબારમાં ભક્તો માનતા માને છે અને પછી એ માનતાને અનુરૂપ જાતજાતની ચીજો ભેટ અર્પણ કરે છે. આ પહેલાં કેટલાક ભક્તો હવાઈ જહાજ, વાંસળી, ઈંટ, હેલિકૉપ્ટર, ક્રિકેટની કિટ જેવી જાતજાતની ચાંદીની બનેલી ચીજો ચડાવી ચૂક્યા છે.
ડુંગલા ક્ષેત્રમાં રહેતા એક ભક્તે તાજેતરમાં ચાંદીનો પેટ્રોલ-પમ્પ ચડાવ્યો છે. પેટ્રોલ-પમ્પ બનાવવા માટે તમામ પ્રોસેસ પૂરી થઈ ગઈ હોવા છતાં પમ્પ શરૂ કરવામાં તેમને અડચણ આવી રહી હતી. એ તકલીફો દૂર થાય એ માટે તેમણે સાંવલિયા સેઠ પાસે માનતા માની હતી. ઇચ્છિત કાર્ય પૂરું થતાં તેમણે ભગવાનને ૫૬ ભોગની સાથે પેટ્રોલ-પમ્પ ચડાવ્યો હતો.
ADVERTISEMENT
અહીં આવનારા ભક્તો શ્રી સાંવલિયા સેઠને પોતાના ધંધામાં પાર્ટનર બનાવે છે અને તેમનો ચોક્કસ હિસ્સો પ્રભુને અર્પણ કરે છે. ૩ દિવસ પહેલાં જ શ્રી સાંવલિયા સેઠને મળેલા માસિક ભંડારની રકમની ગણતરી થઈ હતી જેમાં ૨૯.૨૨ કરોડ રૂપિયાની રોકડ, એક કિલો સોનું અને ૧૪૨ કિલો ચાંદી સહિત ૧૫ દેશોની કરન્સીમાં ચડાવો મળ્યો હતો.
