પોલીસે ટૂંક સમયમાં જ એ ફુટેજ પરથી નિકેશને પકડી લીધો હતો.
દિલ્હીના આર. કે. પુરમ વિસ્તારમાં પોલીસે એક શાતિર ચોરને પકડ્યો છે
દિલ્હીના આર. કે. પુરમ વિસ્તારમાં પોલીસે એક શાતિર ચોરને પકડ્યો છે. આ ચોરની બેવડી જિંદગી જોઈને ભલભલા દંગ રહી જાય એમ છે. આ ભાઈ દિલ્હીના દ્વારકા વિસ્તારમાં આવેલી જાણીતી ફાઇવસ્ટાર હોટેલમાં સાઉથ ઇન્ડિયન શેફ તરીકે કામ કરે છે. જોકે રાતના અંધારામાં ભાઈસાહેબ માસ્ટર-કી લઈને લોકોનાં ઘરોનાં તાળાં તોડીને ઘરફોડી કરવાનું કામ કરે છે. નિકેશ નામના આ શેફની મૉડસ ઑપરેન્ડી ખૂબ શાતિર હતી. તે ખાસ કરીને ચાઇનીઝ લૉક લાગ્યાં હોય એવાં ઘરોને ટાર્ગેટ કરતો હતો. તેની પાસે ચાવીઓની એક એવી માસ્ટર-કી હતી જેનાથી તાળું ખોલીને તે ઘરમાં ઘૂસતો, ચોરી કરતો અને પાછું ઘર લૉક કરીને નીકળી જતો. ગયા મહિને તેણે એક પરિવારમાં આવી જ રીતે ચોરી કરી. પરિવાર લગ્નમાં ગયો હતો ત્યારે રાતના સમયે નિકેશે માસ્ટર-કીથી ઘર ખોલ્યું. અંદરથી ૩.૫ લાખ રૂપિયા રોકડ અને ઘરેણાં ઉપાડીને પાછું ઘર બંધ કરી દીધું. પરિવારે જ્યારે આવીને જોયું તો તાળું તૂટ્યા વિના ઘરફોડી થઈ હતી એટલે ગેટ પાસેના CCTV કૅમેરાનું ફુટેજ તપાસ્યું. એમાં નિકેટ સ્કૂટી લઈને ક્યારે આવ્યો અને કઈ રીતે ચોરી કરીને ગયો એ બધું કેદ થઈ ગયું હતું. પોલીસે ટૂંક સમયમાં જ એ ફુટેજ પરથી નિકેશને પકડી લીધો હતો.
