એકેય મિનિટ બગાડશો નહીં, અઢી મહિનામાં આપણે ૧૨૦ ટકા યોગદાન આપવું પડશે. ૨૮ માર્ચે બૅન્ગલોરની ટીમ સનરાઇઝર્સ હૈદરાબાદ સામે IPL 2026ની ઓપનિંગ મૅચ રમશે.
વિરાટ કોહલી
ડિફેન્ડિંગ ચૅમ્પિયન રૉયલ ચૅલેન્જર્સ બેન્ગલુરુએ એમ. ચિન્નાસ્વામી સ્ટેડિયમમાં IPL 2026 માટે તૈયારી શરૂ કરી દીધી છે. પ્રૅક્ટિસ-સેશન પહેલાં વિરાટ કોહલીએ ટીમને જોશીલું ભાષણ આપતાં કહ્યું હતું કે ‘આપણે ગયા વર્ષે જે હાંસલ કર્યું એમાં છેલ્લી બે કે ત્રણ સીઝનમાં ખૂબ સખત મહેનત કરી હતી અને હવે એ વધુ મુશ્કેલ હશે, કારણ કે અન્ય ટીમો આપણા પર જોરદાર હુમલો કરશે.’ વિરાટ કોહલીએ વધુમાં કહ્યું હતું કે ‘આપણે આ દિવસો બગાડીશું નહીં. આપણે બધા કરતાં આગળ રહેવાનું છે એટલે જબરદસ્ત તૈયારીઓ કરો. તમે જે પણ સેશનમાં હો એની એક મિનિટ પણ બગાડશો નહીં. આ અઢી મહિનામાં આપણે ૧૨૦ ટકા યોગદાન આપવું પડશે.’
