ઘરના ધાબા પર લગ્નની વિધિઓ અને ઉત્સવ ચાલી રહ્યાં હતાં ત્યારે પિલર તૂટતાં મકાન ધરાશાયી થયું

વીસ-પચીસ મહિલાઓ ધાબા પરથી નીચે પટકાઈ હતી. કેટલીક મહિલાઓ કાટમાળમાં ફસાઈ જતાં ગંભીર ઈજા પામી હતી

દુર્ઘટનાસ્થળ

હિમાચલ પ્રદેશના ચંબા જિલ્લામાં શનિવારે બપોરે લગભગ બે વાગ્યે એક લગ્નનો ઉત્સવ આઘાતમાં ફેરવાઈ ગયો હતો. ગામના કાચા ઘરના ધાબા પર લગ્ન-સમારોહ ચાલી રહ્યો હતો. વીસ-પચીસ મહિલાઓ પરંપરાગત નૃત્ય કરી રહી હતી. જોકે ઘર કાચું હતું અને ઉત્સવને કારણે લોકોનો ધસારો અને નૃત્યના ધબધબાટને કારણે ધાબાનો કાચો સ્લૅબ પડી ભાંગ્યો હતો.

વીસ-પચીસ મહિલાઓ ધાબા પરથી નીચે પટકાઈ હતી. કેટલીક મહિલાઓ કાટમાળમાં ફસાઈ જતાં ગંભીર ઈજા પામી હતી. એ પછી તેમને તરત જ હૉસ્પિટલ પહોંચાડવામાં આવી હતી.