કેરલાના કન્નુરના કુથુપરમ્બાની ૧૮ વર્ષની શ્રીનંદા નામની ટીનેજરનું મૃત્યુ વૉટર ફાસ્ટિંગ એટલે કે માત્ર પાણી પર જીવવાથી થયું હતું. વજન ન વધે એ માટે આ છોકરી છેલ્લા છ મહિનાથી માત્ર ગરમ પાણી પીને જીવતી હતી અને તેણે અન્નનો એક પણ દાણો ખાધો નહોતો.
વૉટર ફાસ્ટિંગ કરતી ટીનેજેર શ્રીનંદા
કેરલાના કન્નુરના કુથુપરમ્બાની ૧૮ વર્ષની શ્રીનંદા નામની ટીનેજરનું મૃત્યુ વૉટર ફાસ્ટિંગ એટલે કે માત્ર પાણી પર જીવવાથી થયું હતું. વજન ન વધે એ માટે આ છોકરી છેલ્લા છ મહિનાથી માત્ર ગરમ પાણી પીને જીવતી હતી અને તેણે અન્નનો એક પણ દાણો ખાધો નહોતો. વજન ઉતારવાની તેની ઘેલછામાં છેલ્લે-છેલ્લે તેનું વજન માત્ર ૨૪ કિલો રહ્યું હતું અને વેન્ટિલેટર પર રાખવા છતાં તેને બચાવી શકાઈ નહોતી. આ છોકરી કૉલેજના પહેલા વર્ષમાં ભણતી હતી અને સોશ્યલ મીડિયા અને યુટ્યુબ પર ડાયટિંગના વિવિધ વિડિયો જોઈને તે વજન ન વધે એ માટે ડાયટપ્લાન ફૉલો કરતી હતી. ઑનલાઇન પોર્ટલથી પ્રભાવિત થઈને તેણે એક્સ્ટ્રીમ વૉટર ફાસ્ટિંગ શરૂ કરી દીધું હતું જેને કારણે ઍનોરેક્સિયા નર્વોસા (Anorexia Nervosa)ની જટિલતાને કારણે તેનું મૃત્યુ થયું હતું. આ એક એવી બીમારી છે જેમાં પીડિત લોકો પોતાના વજન વિશે વધારે વિચારે છે અને જમવાનું છોડી દેતા હોય છે. તેમને પોતાનું વજન બીજા કરતાં વધારે જ લાગતું હોય છે. શ્રીનંદાના જીવનના છેલ્લા ૧૨ દિવસ તેને સરકારી હૉસ્પિટલના ઇન્ટેન્સિવ કૅર યુનિટમાં રાખવામાં આવી હતી. તેનું શુગર-લેવલ, સોડિયમ અને બ્લડ-પ્રેશર ઘણું ઓછું થયું હતું. તે વેન્ટિલેટર પર હોવા છતાં તેની હાલતમાં સુધારો થયો નહોતો અને તેણે છેલ્લા શ્વાસ લીધા હતા.
