મધ્ય પ્રદેશના શિવપુરીમાં ખોડ ગામે શુક્રવારે સવારે એક સનકી પ્રેમીએ ૧૭ વર્ષની ટીનેજરના પ્રેમમાં તેના ઘરમાં ઘૂસીને તાયફો કર્યો હતો
વાઇરલ વિડીયોમાંથી સ્ક્રીનશૉટ
મધ્ય પ્રદેશના શિવપુરીમાં ખોડ ગામે શુક્રવારે સવારે એક સનકી પ્રેમીએ ૧૭ વર્ષની ટીનેજરના પ્રેમમાં તેના ઘરમાં ઘૂસીને તાયફો કર્યો હતો. તેને ખબર હતી કે એ સમયે ટીનેજર ઘરમાં એકલી હશે એટલે તેણે પહેલાં તો પ્રેમથી મનાવવાની કોશિશ કરી, પણ ડરેલી છોકરીએ પ્રતિકાર કરતાં તેના પર કુહાડીથી વાર કર્યો. કોઈક રીતે કન્યા એ વાર ચૂકવીને ત્યાંથી ભાગીને ઉપરના રૂમમાં ગઈ તો પ્રેમી ત્યાં પણ પાછળ અવ્યો અને તેને ઢસડીને છેક છત પર લઈ ગયો અને ગળામાં દોરડું વીંટીને તેને છતથી નીચે લટકાવી દીધી. જોકે ઘરની બહારના આ દૃશ્યને જોઈને આસપાસના લોકોએ હોબાળો મચાવતાં તેણે દોરી છોડી દીધી હતી અને ટીનેજર છત પરથી નીચે પટકાઈ હતી. પાડોશીઓએ લોહીલુહાણ હાલતમાં ટીનેજરને હૉસ્પિટલમાં પહોંચાડી હતી.
