પહેલાં AI દ્વારા સંચાલિત ગરુડ બાઇક બનાવનાર સુરતના જાણીતા ઇનોવેટર શિવમ મૌર્યએ હવે નવો આવિષ્કાર કર્યો છે. હવે શિવમે એવી સાઇકલ બનાવી છે જે આપમેળે ચાલે છે. તમને થશે કે આપમેળે ચાલે છે તો પછી સાઇકલ કેવી રીતે થઈ?
માણસ વિના આપમેળે ચાલતી સાઇકલ બનાવી સુરતી ઇનોવેટરે
પહેલાં AI દ્વારા સંચાલિત ગરુડ બાઇક બનાવનાર સુરતના જાણીતા ઇનોવેટર શિવમ મૌર્યએ હવે નવો આવિષ્કાર કર્યો છે. હવે શિવમે એવી સાઇકલ બનાવી છે જે આપમેળે ચાલે છે. તમને થશે કે આપમેળે ચાલે છે તો પછી સાઇકલ કેવી રીતે થઈ? હા, સાઇકલ એટલા માટે થઈ કેમ કે તેણે સાઇકલની સીટ પર માણસના કમરની નીચેનો ભાગ બનાવ્યો છે. મતલબ કે સીટ પરથી બે પગ જેવો આકાર નીચે નીકળે છે જે સાઇકલના પેડલ મારે છે. આ પેડલથી જ સાઇકલ ચાલે છે. સ્માર્ટફોન, રિમોટ કન્ટ્રોલ અને પ્રી-સેટ કોડિંગ દ્વારા આ સાઇકલને ઑપરેટ કરી શકાય છે. એમાં એવાં સેન્સર્સ છે જે રસ્તામાં આવતા અવરોધોને પણ ઓળખી શકે છે. આ સાઇકલ બનાવવા માટે ૩૫,૦૦૦ રૂપિયાનો ખર્ચ થયો છે જેને ઘોસ્ટ સાઇકલ નામ આપ્યું છે.
