માત્ર હાથ ફેરવીને તાળાં ખોલતી આ મહિલાના વિડિયોને એક કરોડ વ્યુઝ મળી ચૂક્યા છે.
મહિલાએ ચાવીની ઝંઝટથી બચવા હાથમાં ચિપ નખાવી
ઘરના અને વૉર્ડરોબ-તિજોરી વગેરેના દરવાજાની ચાવી સાચવવાની ઝંઝટથી બચવા એક મહિલાએ તકનિકી તુક્કો અજમાવ્યો છે. માત્ર હાથ ફેરવીને તાળાં ખોલતી આ મહિલાના વિડિયોને એક કરોડ વ્યુઝ મળી ચૂક્યા છે.
ટિકટૉકમાં વાઇરલ થયેલા એક વિડિયોમાં મહિલા પોતાના હાથમાં આરએફઆઇડી ચિપ ઇમ્પ્લાન્ટ કરાવીને લૉક કરેલા દરવાજાઓને અનલૉક કરતી દેખાય છે. આ ટેક્નૉલૉજીથી તે ઘરના અને કબાટના ઇલેક્ટ્રિક દરવાજાને ચાવી વગર માત્ર હાથ સ્કૅન કરાવીને ખોલી શકે છે. સેન્સરની સામે ચિપવાળો હાથ હલાવતાં જ દરવાજો ખૂલી જાય છે. ટિકટૉકમાં આ મહિલા અત્યારે ચિપગર્લ તરીકે ઓળખાઈ રહી છે. પતિના આગ્રહને કારણે ગયા વર્ષે તેણે આ ચિપ ઇમ્પ્લાન્ટ કરાવી હતી. આ વિડિયો આવતાં લોકોના સવાલનો ઢગલો થતાં મહિલાએ બીજા એક વિડિયોમાં આ ટેક્નૉલૉજી વિશે લોકોના સવાલનો જવાબ આપ્યા છે, જેમાં તેણે એવી માહિતી આપી છે કે મારા હાથમાં ચોખાના દાણા જેટલી નાની ચિપ ગોઠવવામાં આવી છે, જે ચાવીનું કામ કરે છે.
