૨૦૨૧માં રમાયેલી એકમાત્ર સિરીઝમાં બંગલાદેશે ૪-૧થી જીત મેળવી હતી
ઑસ્ટ્રેલિયન કૅપ્ટન મિચલ માર્શ અને બંગલાદેશી કૅપ્ટન લિટન દાસ
ચટ્ટોગ્રામમાં આજે ૧૭ જૂનથી ૨૧ જૂન વચ્ચે બંગલાદેશ અને ઑસ્ટ્રેલિયા વચ્ચે T20 સિરીઝ રમાશે. બન્ને ટીમ વચ્ચે એકમાત્ર T20 સિરીઝ બંગલાદેશમાં જ વર્ષ ૨૦૨૧માં રમાઈ હતી. યજમાન બંગલાદેશે આ સિરીઝ ૪-૧થી જીતી હતી. હરીફ ટીમ સામેની હમણાં સુધીની ચારેય જીત બંગલાદેશે આ સિરીઝમાં જ મેળવી હતી.
૨૦૦૭થી ૨૦૨૪ વચ્ચે બન્ને ટીમે ૧૧ T20 મૅચ રમી છે એમાંથી ઑસ્ટ્રેલિયાએ ૭ અને બંગલાદેશે ૪ જીત મેળવી છે. ચટ્ટોગ્રામમાં ઑસ્ટ્રેલિયાની ટીમ છેલ્લી વખત વાઇટ-બૉલ મૅચ ૨૦૦૬માં વન-ડે ફૉર્મેટની મૅચ રૂપે રમ્યું હતું.
ADVERTISEMENT
ઑસ્ટ્રેલિયન ઑલરાઉન્ડર ઇન્જરીમાંથી સ્વસ્થ થયા બાદ મિચલ માર્શ કૅપ્ટન તરીકે મેદાન પર વાપસી કરી રહ્યો છે. બંગલાદેશનો કૅપ્ટન લિટન દાસ સ્નાયુઓના ખેંચાણની સમસ્યાને કારણે પહેલી મૅચ રમશે કે નહીં એ હજી નક્કી નથી.
ત્રણેય મૅચનો સમય - બપોરે ૧.૩૦ વાગ્યાથી
