બાપુના રાજમાં દિલ્હી કૅપિટલ્સની નજર IPLનો કિલ્લો ફતેફ કરવા પર રહેશે

હૅરી બ્રુકના રિપ્લેસમેન્ટ તરીકે ટીમમાં શ્રીલંકન ઑલરાઉન્ડર દાસુન શનાકાનું સ્થાન નક્કી

દિલ્હી કૅપિટલ્સનો કૅપ્ટન અક્ષર પટેલ, ફાફ ડુ પ્લેસી

દિલ્હી કૅપિટલ્સ (DC) પોતાના ૧૪મા કૅપ્ટન અક્ષર પટેલના નેતૃત્વમાં ૨૪ માર્ચે લખનઉ સુપર જાયન્ટ્સ (LSG) સામે પોતાના અભિયાનની શરૂઆત કરશે. ઑલરાઉન્ડર અક્ષર પટેલને તેના આ નવા પદ માટે વાઇસ-કૅપ્ટન ફાફ ડુ પ્લેસી અને અનુભવી વિકેટકીપર-બૅટર કે. એલ. રાહુલનો પણ સાથ મળશે. દિલ્હી સીઝનમાં છ વાર પ્લે-ઑફ મૅચ રમ્યું છે અને ૨૦૨૦માં મુંબઈ ઇન્ડિયન્સ (MI) સામે એક માત્ર ફાઇનલ મૅચ રમ્યું હતું. આ વખતે ૧૧૯.૮૦ કરોડ રૂપિયા ખર્ચીને ૨૩ સભ્યોની સંતુલિત ટીમ દિલ્હીએ તૈયાર કરી છે.

ઇંગ્લૅન્ડના બૅટર હૅરી બ્રુકે છેલ્લી ઘડીએ નામ પરત ખેંચી લેતાં તેના પર બે વર્ષનો પ્રતિબંધ લાગ્યો છે. તેના સ્થાને શ્રીલંકન ઑલરાઉન્ડર દાસુન શનાકા સ્ક્વૉડમાં સામેલ થઈ ચૂક્યો છે. માત્ર એની જાહેરાત કરવાની બાકી છે.

ADVERTISEMENT

દિલ્હીની ટીમ પાસે મિચલ સ્ટાર્ક સહિતનું આક્રમક બોલિંગ-યુનિટ છે. કે. એલ. રાહુલ, કરુણ નાયર, ફાફ ડુ પ્લેસી અને જેક ફ્રેઝર મૅક્‍‍ગર્ક જેવા બૅટર એકલા હાથે મૅચ જિતાડવાનો અનુભવ ધરાવે છે. સ્પિન બોલિંગ-યુનિટ તરીકે સ્પિનર્સ અક્ષર પટેલ અને કુલદીપ યાદવ જોવા મળશે. તેમનો બૅટિંગ ક્રમ અને બોલિંગની અસરકારકતા નક્કી કરશે કે તેઓ આ સીઝનમાં કેટલા સફળ થશે.

આ સ્ક્વૉડમાં કૅપ્ટન અક્ષર પટેલ સહિત ચાર પ્લેયર્સ ૧૦૦થી વધુ IPL મૅચ રમવાનો અનુભવ ધરાવે છે, જ્યારે ૧૦ જેટલા પ્લેયર્સ ૧૦થી ઓછી IPL મૅચનો ભાગ રહ્યા છે. સ્ક્વૉડના ૧૧ પ્લેયર્સ ૩૦થી વધુની ઉંમરના છે.

દિલ્હી કૅપિટલ્સનો કોચિંગ સ્ટાફ
કોચ : હેમાંગ બદાણી
બોલિંગ કોચ : મુનાફ પટેલ
ટીમ મેન્ટર : કેવિન પીટરસન
સહાયક કોચ : મૅથ્યુ મૉટ
ક્રિકેટ ડિરેક્ટર : વેણુગોપાલ રાવ

11
સ્ક્વૉડના આટલા પ્લેયર્સ ૩૦થી વધુની ઉંમરના છે. ૧૦ જેટલા પ્લેયર્સ ૧૦થી ઓછી IPL મૅચનો ભાગ રહ્યા છે.