હૉન્ગકૉન્ગ સિક્સિસ માટેની ભારતીય ટીમનું નેતૃત્વ સોંપાયું, ૩૦ ઑક્ટોબરે પાકિસ્તાન સામે રમશે, ૩૬ વર્ષનો ફાસ્ટ બોલર ભુવનેશ્વર કુમાર ફરી એક વખત ભારતની બ્લુ જર્સીમાં રમતો જોવા મળશે.
ભુવનેશ્વર કુમાર
૩૬ વર્ષનો ફાસ્ટ બોલર ભુવનેશ્વર કુમાર ફરી એક વખત ભારતની બ્લુ જર્સીમાં રમતો જોવા મળશે. હૉન્ગકૉન્ગ સિક્સિસની આગામી સીઝનમાં ભુવનેશ્વર કુમારની આગેવાનીમાં ૭ સભ્યોની ભારતીય સ્ક્વૉડ મોકલવામાં આવશે.
૩૦, ૩૧ ઑક્ટોબર અને એક નવેમ્બરે ૪ ગ્રુપમાં વિભાજિત ૧૨ ટીમો વચ્ચે જંગ જામશે. ૬-૬ ઓવર અને ૬-૬ પ્લેયર્સવાળી ટુર્નામેન્ટમાં દરેક ટીમ પોતાના ગ્રુપની બે ટીમો સામે એક-એક મૅચ રમશે. ગ્રુપ Cમાં સામેલ ભારત ૩૦ ઑક્ટોબરે પાકિસ્તાન અને ૩૧ ઑક્ટોબરે UAE સામે રમશે.
ભુવનેશ્વર કુમાર સિવાય સ્પિન ઑલરાઉન્ડર્સ કૃણાલ પંડ્યા, શશાંક સિંહ, નીતીશ રાણા, રાહુલ તેવતિયા, બૅટર રાહુલ ત્રિપાઠી અને ફાસ્ટ બોલર ટી. નટરાજન પણ આ ટુર્નામેન્ટ માટે હૉન્ગકૉન્ગ જશે.
