આજથી સાઉથ આફ્રિકા અને ઑસ્ટ્રેલિયા વચ્ચેની નિર્ણાયક ટેસ્ટ-મૅચનો થશે પ્રારંભ

કેપટાઉનમાં યજમાન સામે ૧૪ ટેસ્ટ-મૅચમાંથી ૧૦ મૅચ જીત્યા છે કાંગારૂઓએ

સાઉથ આફ્રિકાનો કૅપ્ટન ટેમ્બા બવુમા અને ઑસ્ટ્રેલિયન કૅપ્ટન પૅટ કમિન્સ

સાઉથ આફ્રિકા અને ઑસ્ટ્રેલિયા વચ્ચેની ૩ ટેસ્ટ-મૅચની રોમાંચક સિરીઝમાં હાલમાં ૧-૧થી લેવલ છે. આજથી કેપટાઉનમાં બન્ને ટીમો વચ્ચે અંતિમ અને નિર્ણાયક મૅચનો રોમાંચ શરૂ થશે. બન્ને ટીમ સિરીઝ-જીતની સાથે વર્લ્ડ ટેસ્ટ ચૅમ્પિયનશિપના ટૉપ ટૂમાં સ્થાન મજબૂત કરવાનો ટાર્ગેટ પણ રાખશે.  

કેપટાઉનમાં સૂકી સપાટીવાળી પિચ પર સમગ્ર મૅચ દરમ્યાન હવામાન મોટે ભાગે સ્વચ્છ રહેવાની અને તાપમાન મધ્યમ રહેવાની અપેક્ષા છે. કેપટાઉનમાં ઑસ્ટ્રેલિયા ૧૪ ટેસ્ટ-મૅચમાંથી ૧૦ મૅચ જીત્યું છે અને ૪ મૅચ હાર્યું છે. આ તમામ મૅચ યજમાન સામે રમાઈ છે. સાઉથ આફ્રિકાએ અહીં ૧૯૭૦, ૨૦૦૯, ૨૦૧૧ અને ૨૦૧૮ની અંતિમ ટેસ્ટ-મૅચમાં કાંગારૂઓને માત આપી હતી.

ADVERTISEMENT