Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > આજથી મિશન ઇંગ્લૅન્ડ શરૂ

આજથી મિશન ઇંગ્લૅન્ડ શરૂ

Published : 20 June, 2025 09:18 AM | Modified : 21 June, 2025 07:28 AM | IST | Leeds
Gujarati Mid-day Correspondent | feedbackgmd@mid-day.com

ઇંગ્લૅન્ડને એની ધરતી પર માત્ર 3 ટેસ્ટ-સિરીઝમાં હરાવી શક્યું છે ભારત, લીડ્સના હેડિંગ્લી ક્રિકેટ સ્ટેડિયમમાં છેલ્લે ૨૦૦૨માં મળી હતી ટેસ્ટ-જીત, સાતમાંથી માત્ર બે મૅચ જીત્યું છે ભારત : રોહિત, કોહલી, અશ્વિન વગરની ભારતીય ટેસ્ટ-ટીમનો નવો યુગ આજથી શરુ

પ્રૅક્ટિસ દરમ્યાન કૅપ્ટન શુભમન ગિલ અને હેડ કોચ ગૌતમ ગંભીર

પ્રૅક્ટિસ દરમ્યાન કૅપ્ટન શુભમન ગિલ અને હેડ કોચ ગૌતમ ગંભીર


ઇંગ્લૅન્ડ અને ભારતની ટેસ્ટ-ટીમ વચ્ચે આગામી ૪૫ દિવસ સુધી પાંચ ટેસ્ટ-મૅચનો રસપ્રદ જંગ જોવા મળશે. ભારત અત્યાર સુધી ઇંગ્લૅન્ડમાં ફક્ત ત્રણ વખત ટેસ્ટ-સિરીઝ જીત્યું છે. ૧૯૭૧માં અજિત વાડેકર, ૧૯૮૬માં કપિલ દેવ અને ૨૦૦૭માં રાહુલ દ્રવિડના નેતૃત્વમાં આ સિદ્ધિ ભારતે મેળવી હતી. હવે નવો ટેસ્ટ-કૅપ્ટન શુભમન ગિલ અનુભવી પ્લેયર્સની ગેરહાજરીમાં યંગ ક્રિકેટર્સ સાથે આ યાદીમાં પોતાનું નામ મેળવવા માટે ઉત્સુક રહેશે.


બન્ને ટીમો વચ્ચે ૧૯૩૨થી ૩૪ ટેસ્ટ-સિરીઝ રમાઈ છે. ભારતમાં રમાયેલી ૧૬માંથી ત્રણ સિરીઝ ડ્રૉ રહી છે. ૯ સિરીઝ ભારત અને ચાર સિરીઝ ઇંગ્લૅન્ડ જીત્યું છે. ઇંગ્લૅન્ડમાં રમાયેલી ૧૮માંથી માત્ર બે સિરીઝ ડ્રૉ રહી છે. ૧૩ ઇંગ્લૅન્ડ અને ૩ ભારત જીત્યું છે એટલે કે બન્ને દેશ વચ્ચે પાંચ ટેસ્ટ-સિરીઝ ડ્રૉ રહી છે, ૧૨ સિરીઝ ભારત અને ૧૭ સિરીઝ ઇંગ્લૅન્ડ જીત્યું છે.




પ્રૅક્ટિસ વખતે મજાક-મસ્તી કરતા રિષભ પંત, કુલદીપ યાદવ અને રવીન્દ્ર જાડેજા

આજથી પ્રથમ ટેસ્ટ-મૅચ જ્યાં રમાવાની છે એ હેડિંગ્લી ક્રિકેટ સ્ટેડિયમમાં ભારત-ઇંગ્લૅન્ડ વચ્ચે ૭ ટેસ્ટ-મૅચ રમાઈ છે જેમાંથી ભારતને બેમાં જીત અને ચારમાં હાર મળી છે, જ્યારે એક ટેસ્ટ-મૅચ ડ્રૉ ગઈ હતી. આ મેદાન પર ભારત ૧૯૮૬માં કપિલ દેવ અને ૨૦૦૨માં સૌરવ ગાંગુલીની કૅપ્ટન્સીમાં ટેસ્ટ-મૅચ જીત્યું હતું. ત્યાર બાદ ભારત અહીં સીધું ૨૦૨૧માં ટેસ્ટ-મૅચ રમ્યું હતું જેમાં વિરાટ કોહલીના નેતૃત્વ હેઠળ ભારત એક ઇનિંગ્સ અને ૪૬ રને હાર્યું હતું. ઇંગ્લૅન્ડમાં ટ્રોફી જીતવાના દુકાળ સાથે આ મેદાન પર રેકૉર્ડ સુધારવાનો પડકાર પણ શુભમન ગિલ ઍન્ડ કંપની સામે રહેશે.


ઇંગ્લૅન્ડ જેવી મોટી ટીમ સામે ટેસ્ટ-સિરીઝ જીતવી એ IPL ટાઇટલ કરતાં વધુ મહત્ત્વનું છે -  ભારતીય ટેસ્ટ-કૅપ્ટન શુભમન ગિલ

સ્ટાર પ્લેયર્સની ગેરહાજરી છતાં ભારત સામેનો મુકાબલો સરળ નહીં હોય, ભારતીય ક્રિકેટ પાસે પ્રતિભાનો ભંડાર છે - ઇંગ્લૅન્ડનો ટેસ્ટ-કૅપ્ટન બેન સ્ટોક્સ 

ટેસ્ટ-સિરીઝનું શેડ્યુલ

પહેલી ટેસ્ટ : ૨૦થી ૨૪ જૂન - લીડ્સ
બીજી ટેસ્ટ : બીજીથી ૬ જુલાઈ - બર્મિંગહૅમ
ત્રીજી ટેસ્ટ : ૧૦થી ૧૪ જુલાઈ - લૉર્ડ્‌સ, લંડન
ચોથી ટેસ્ટ : ૨૩થી ૨૭ જુલાઈ - મૅન્ચેસ્ટર
પાંચમી ટેસ્ટ : ૩૧ જુલાઈથી ૪ ઑગસ્ટ - ધ ઓવલ, લંડન

હેડ-ટુ-હેડ રેકૉર્ડ 

કુલ મૅચ

૧૩૬

ઇંગ્લૅન્ડની જીત

૫૧

ભારતની જીત

૩૫

ડ્રૉ

૫૦

Whatsapp-channel Whatsapp-channel

21 June, 2025 07:28 AM IST | Leeds | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK