વિમેન્સ T20 વર્લ્ડ કપ : આજે સેમી-ફાઇનલની રેસમાં ટકી રહેવા શ્રીલંકા કરશે અંતિમ પ્રયાસ

૬ ટીમોના ગ્રુપમાં બે જીત અને બે હાર સાથે શ્રીલંકા ચોથા ક્રમે છે

શ્રીલંકન કૅપ્ટન ચમારી અટાપટ્ટુ, સ્કૉટલૅન્ડની કૅપ્ટન કૅથરિન બ્રાયસ

આજે વિમેન્સ T20 વર્લ્ડ કપ 2026ની એકમાત્ર મૅચ રાતે ૧૧ વાગ્યે મૅન્ચેસ્ટરમાં શરૂ થશે. રેસમાંથી આઉટ થઈ ગયેલી સ્કૉટલૅન્ડની ટીમ સામે આજે શ્રીલંકા મેદાનમાં ઊતરશે. ૬ ટીમોના ગ્રુપમાં બે જીત અને બે હાર સાથે શ્રીલંકા ચોથા ક્રમે છે. સેમી-ફાઇનલની રેસમાં ટકી રહેવા શ્રીલંકા આજે જીત સાથે ગ્રુપ-સ્ટેજ રાઉન્ડ પૂરો કરવાનો પ્રયાસ કરશે.

શ્રીલંકા અને સ્કૉટલૅન્ડ વચ્ચે ૨૦૨૨થી ૨૦૨૪ વચ્ચે ત્રણ T20 મૅચ રમાઈ છે. શ્રીલંકાએ આ ત્રણેય મૅચમાં અનુક્રમે ૧૦૯ રનથી, ૧૦ વિકેટથી અને ૬૮ રનથી જીત નોંધાવી હતી.

ADVERTISEMENT

મંગળવારે આયરલૅન્ડના ૧૩૦/૫ના સ્કોર સામે શ્રીલંકાએ કૅપ્ટન ચમારી અટાપટ્ટુના ૬૧ બૉલમાં અણનમ ૧૦૬ રનની મદદથી ૧૫.૩ ઓવરમાં ૧ વિકેટે ૧૩૪ રન કરીને ૧૩૧ રનનો ટાર્ગેટ ચેઝ કરી લીધો હતો.