વર્લ્ડ ટેસ્ટ ચૅમ્પિયનશિપની ફાઇનલની રેસમાં ટકી રહેવા ભારતીય ટીમે હવે કેટલી મૅચ જીતવી પડશે?

ફાઇનલ માટે દાવેદારી મજબૂત કરવા માટે ભારતે પોતાની બાકીની સાતેય મૅચ જીતવી પડશે. સાત ટેસ્ટ-મૅચ જીતીને ભારત પોતાની પૉઇન્ટ ટકાવારી ૭૦.૩૭ ટકા સુધી પહોંચાડી શકશે. 

શુભમન ગિલ

ઑસ્ટ્રેલિયા અને બંગલાદેશની હારની કારણે વર્લ્ડ ટેસ્ટ ચૅમ્પિયનશિપ (WTC) ૨૦૨૫-’૨૭નાં સમીકરણો બદલાઈ ગયાં છે. નવ ટીમો વચ્ચે ટૉપ ટૂમાં રહીને ફાઇનલમાં પહોંચવા માટે ભારતીય 
ટીમે પોતાની આગામી સાતેય મૅચ જીતવી પડશે.

૫૧.૫૨ની પૉઇન્ટ ટકાવારી સાથે ચોથા ક્રમે રહેલી ભારતીય ટીમ હવે ન્યુ ઝીલૅન્ડ સામે બે ટેસ્ટ-મૅચ અને ઑસ્ટ્રેલિયા સામે પાંચ ટેસ્ટ-મૅચ રમશે. ફાઇનલ માટે દાવેદારી મજબૂત કરવા માટે ભારતે પોતાની બાકીની સાતેય મૅચ જીતવી પડશે. સાત ટેસ્ટ-મૅચ જીતીને ભારત પોતાની પૉઇન્ટ ટકાવારી ૭૦.૩૭ ટકા સુધી પહોંચાડી શકશે. 

ADVERTISEMENT

સામાન્ય રીતે ફાઇનલમાં સ્થાન મેળવવા માટે ૬૦થી ૬૫ ટકા પૉઇન્ટ ટકાવારી જરૂરી હોય છે. ભારતીય ટીમ ૬ જીત, ૧ ડ્રૉ મૅચ સાથે ૬૬.૬૭ ટકા અને ૬ જીત, ૧ હાર સાથે ૬૪.૮૧ ટકાના કિસ્સામાં પણ ફાઇનલ સુધી પહોંચી શકે છે. જોકે અન્ય ટીમોની મૅચનાં રિઝલ્ટથી પણ ભારતના પૉઇન્ટ-ટેબલના સ્થાન પર અસર થશે. ભારત પાંચ જીત, બે ડ્રૉ મૅચ સાથે ૬૨.૯૬ ટકા અને પાંચ જીત, ૧ હાર, ૧ ડ્રૉ મૅચ સાથે ૬૧.૧૧ ટકા પૉઇન્ટ ટકાવારી સુધી પહોંચશે.