વિરાટ કોહલીની સિક્સરે ઘાયલ કર્યા આ ભાઈને

અમદાવાદના નરેન્દ્ર મોદી સ્ટેડિયમમાં ગુજરાત-બૅન્ગલોર વચ્ચેની મૅચ વખતે ઑન ધ સ્પૉટ સારવાર : સ્ટેડિયમમાં તહેનાત ૧૦ ઍમ્બ્યુલન્સમાં ગરમીથી હેરાન થયેલા કુલ ૨૦૩ પ્રેક્ષકો આવ્યા

ઘાયલ થયેલા રાજેન્દ્ર પટેલ

ગુજરાત ટાઇટન્સ અને રૉયલ ચૅલેન્જર્સ બેન્ગલુરુ વચ્ચે અમદાવાદના નરેન્દ્ર મોદી સ્ટે​ડિયમમાં ગઈ કાલે ભરતડકે રમાયેલી ઇ​ન્ડિયન પ્રીમિયર લીગ (IPL)ની મૅચમાં ગરમીને કારણે ૨૦૩ પ્રેક્ષકોની તબિયત લથડતાં તેમને સ્ટેડિયમમાં તહેનાત કરાયેલી ૧૦ ઍમ્બ્યુલન્સમાં સારવાર આપવામાં આવી હતી. એટલું જ નહીં, મૅચ દરમ્યાન વિરાટ કોહલીએ ફટકારેલી સિક્સરનો બૉલ વાગતાં ઘાયલ થયેલા રાજેન્દ્ર પટેલને પણ આ ઍમ્બ્યુલન્સમાં સારવાર આપવામાં આવી હતી.

૧૦૮ ઍમ્બ્યુલન્સના અમદાવાદ જિલ્લાના પ્રોગ્રામ મૅનેજર જિતેન્દ્ર સાહીએ ‘મિડ-ડે’ને કહ્યું હતું કે ‘નરેન્દ્ર મોદી સ્ટેડિયમમાં મૅચ જોવા આવેલા ૨૦૩ પ્રેક્ષકોને ગરમીને કારણે હેડેક, 
ચક્કર, ડીહાઇડ્રેશન અને ગભરામણ થતાં સ્ટેડિયમમાં તહેનાત કરાયેલી ઍમ્બ્યુલન્સમાં સારવાર આપવમાં આવી હતી. સ્ટેડિયમમાં પહેલાંથી જ અલગ-અલગ જગ્યાએ ૧૦ ઍમ્બ્યુલન્સ અમે તહેનાત કરી હતી જેને કારણે પ્રેક્ષકોની જલદી સારવાર થઈ શકી હતી અને તેઓ ફરી વાર મૅચ જોવા સ્વસ્થ થઈ ગયા હતા.’