ગુજરાત સામે જીતનો ચોગ્ગો ફટકારવા ઊતરશે લખનઉ

બન્ને ટીમ વચ્ચે રમાયેલી પહેલી ૪ મૅચમાં ગુજરાતે અને છેલ્લી ૩ મૅચમાં લખનઉએ બાજી મારી છે

લખનઉ ટીમના સલાહકાર કેન વિલિયમસન સાથે પોઝ આપતો ગુજરાતનો કૅપ્ટન શુભમન ગિલ.

IPL 2026ના ચોથા ડબલ-હેડરમાં આજની પહેલી મૅચ લખનઉના એકાના સ્ટેડિયમમાં રમાશે. શરૂઆતની ૩ મૅચમાંથી છેલ્લી બે મૅચ જીતનાર લખનઉ અને દિલ્હી સામે એક રનથી એકમાત્ર મૅચ જીતનાર ગુજરાત માટે આજે વિજય-ટ્રૅક પર યથવાત્ રહેવાનો પડકાર રહેશે. હારની નિરાશા સાથે સીઝનની શરૂઆત કરનાર બન્ને ટીમને અંતિમ મૅચોમાં વિજયને કારણે ગજબનો આત્મવિશ્વાસ મળ્યો છે. 

મૅચનો સમય બપોરે ૩.૩૦ વાગ્યાથી

ADVERTISEMENT

બન્ને ટીમનો હેડ-ટુ-હેડ રેકૉર્ડ

મૅચ : ૭

ગુજરાતની જીત : ૪

લખનઉની જીત : ૩ 

બન્ને ટીમ વચ્ચે રમાયેલી પહેલી ૪ મૅચમાં ગુજરાતે અને છેલ્લી ૩ મૅચમાં લખનઉએ જીત નોંધાવી હતી. એકાના સ્ટેડિયમમાં ગુજરાત પોતાની ત્રણેય મૅચ લખનઉ સામે જ રમ્યું છે. એમાંથી ૨૦૨૩ની પહેલી મૅચમાં જીત મળી હતી અને છેલ્લી બન્ને સીઝનની મૅચમાં એક-એક હાર મળી હતી. ગયા સીઝનની ૪ સહિત લખનઉ પોતાના હોમ ગ્રાઉન્ડ પર સતત પાંચ મૅચથી મૅચ નથી જીત્યું. લખનઉ આ મેદાન પર બાવીસમાંથી ૯ મૅચ જીત્યું છે. ૧૨ મૅચમાં હાર મળી છે અને એક મૅચ નો-રિઝલ્ટ રહી હતી.