ઓડિશાના બીચ પર વૈભવ માટે સ્પેશ્યલ સૅન્ડ-આર્ટવર્ક

ફાઇનલમાં ઓપનિંગ બૅટર વૈભવ સૂર્યવંશીએ ૮૦ બૉલમાં રમેલી ઐતિહાસિક ૧૭૫ રનની ઇનિંગ્સ રમી હતી

વૈભવ માટે તૈયાર કરેલું સ્પેશ્યલ સૅન્ડ-આર્ટવર્ક

પ્રસિદ્ધ સૅન્ડ-આર્ટવર્ક આર્ટિસ્ટ સુદર્શન પટનાઇકે અન્ડર-19 વર્લ્ડ કપ 2026ના હીરો વૈભવ સૂર્યવંશી માટે ઓડિશાના પુરીના બીચ પર સ્પેશ્યલ સૅન્ડ-આર્ટવર્ક તૈયાર કર્યું હતું. વન-ડે વર્લ્ડ કપની ફાઇનલમાં આ ઓપનિંગ બૅટરે ૮૦ બૉલમાં રમેલી ઐતિહાસિક ૧૭૫ રનની ઇનિંગ્સને ધ્યાનમાં રાખીને આ સૅન્ડ-આર્ટ તૈયાર કરવામાં આવ્યું હતું. આ સૅન્ડ-આર્ટ પર વૈભવ સૂર્યવંશીને યંગેસ્ટ લેજન્ડ ગણાવવામાં આવ્યો હતો.

અન્ડર-19 વર્લ્ડ કપ ચૅમ્પિયન ક્રિકેટર વેદાંત ત્રિવેદી અને ખિલન પટેલનું થયું સ્વાગત

ADVERTISEMENT

અન્ડર-19 વર્લ્ડ કપ ચૅમ્પિયન ક્રિકેટર વેદાંત ત્રિવેદી અને ખિલન પટેલ ગઈ કાલે વહેલી પરોઢે ગુજરાત પરત ફર્યા હતા. વર્લ્ડ ચૅમ્પિયન ટીમના આ બે સ્ટારને આવકારવા માટે વહેલી પરોઢે અમદાવાદ ઍરપોર્ટ પર તેમના ફૅમિલી-મેમ્બર્સ અને ફ્રેન્ડ્સ મોટી સંખ્યામાં ઊમટ્યા હતા. સૌએ તિરંગો લહેરાવીને તેમ જ ફૂલોથી તેમનું અદકેરું સ્વાગત કરીને વધાવ્યા હતા. ઍરપોર્ટ પર ઉપસ્થિત સૌએ આ બે ઊગતા સિતારાનું ચિયર-અપ કરીને તિરંગો લહેરાવીને તેમ જ ફૂલોના હાર પહેરાવીને સ્વાગત કર્યું હતું. મોડાસામાં તો ખિલન પટેલના સન્માનમાં ક્રિકેટચાહકોએ રોડશો યોજ્યો હતો અને વિશ્વવિજેતાને છાજે એવો આવકાર આપ્યો હતો. વેદાંતનાં મમ્મીએ શુકનની લાપસી બનાવી હતી.