પંજાબ કિંગ્સના કૅપ્ટન શ્રેયસ ઐયરની બહેન શ્રેષ્ઠા ઐયરે સોશ્યલ મીડિયા પર બે વિડિયો શૅર કરીને ટ્રોલ્સ સામે પોતાનો રોષ વ્યક્ત કર્યો હતો.
શ્રેયસ ઐયરની કોરિયોગ્રાફર બહેન શ્રેષ્ઠાના વિદ્યાર્થીઓને પણ હેરાન કરી રહ્યા છે KKRના ફૅન્સ
પંજાબ કિંગ્સના કૅપ્ટન શ્રેયસ ઐયરની બહેન શ્રેષ્ઠા ઐયરે સોશ્યલ મીડિયા પર બે વિડિયો શૅર કરીને ટ્રોલ્સ સામે પોતાનો રોષ વ્યક્ત કર્યો હતો. IPL 2026ની શરૂઆતમાં જ્યારે શ્રેયસ ઐયરની જૂની ટીમ કોલકાતા નાઇટ રાઇડર્સ (KKR) સામેની મૅચ વરસાદને કારણે રદ્દ થઈ ત્યારે શ્રેષ્ઠાએ એક પૉઇન્ટ આપ્યો તમને એવી મશ્કરી કરતો વિડિયો શૅર કર્યો હતો.
રમૂજ માટે બનાવેલા આ વિડિયો પર વિવાદ થતાં શ્રેષ્ઠાએ એ વિડિયો ડિલીટ કર્યો હતો. જોકે આ વિડિયોને લઈને હજી સુધી શ્રેષ્ઠા ઐયરને કલકત્તાની ટીમના ફૅન્સ તરફથી ગેરવર્તનનો સામનો કરવો પડી રહ્યો છે. શ્રેષ્ઠાએ ખુલાસો કર્યો હતો કે ‘મારો હેતુ કોઈ પણ ટીમ સામે નફરત ભડકાવવાનો નહોતો. તમે લોકો મારી ફૅમિલીની સાથે મારા સાથીદારો અને વિદ્યાર્થીઓને પણ મેસેજ કરીને અપશબ્દો કહી રહ્યા છો. અમુક લોકો તો મારા ઑફિસના ફોન પર કૉલ કરી રહ્યા છે.’
ADVERTISEMENT
શ્રેષ્ઠાએ વધુમાં કહ્યું, ‘કેટલાક લોકો કહે છે કે આ મારો કર્મા છે. જોકે આ ટ્રોલિંગ બદલ તેમને પણ કર્માનો સામનો કરવો પડશે.’
અહેવાલ અનુસાર શ્રેષ્ઠા દુબઈમાં પોતાની ડાન્સ ઍકૅડેમી ચલાવે છે.
