આ ડબલ સુપર ઓવર મેચે સોશિયલ મીડિયા પર વ્યાપક ચર્ચા જગાવી. ક્રિકેટ ચાહકોએ તેને તાજેતરના સમયમાં સૌથી રોમાંચક T20 મૅચ ગણાવી. અફઘાનિસ્તાનની લડાયક ભાવના અને દબાણ હેઠળ શાંત રહેવાની દક્ષિણ આફ્રિકાની ક્ષમતાની વ્યાપક પ્રશંસા કરવામાં આવી.
અફઘાનિસ્તાન અને સાઉથ આફ્રિકાની મૅચમાં ડબલ સુપર ઓવર ડ્રામા
અમદાવાદમાં રમાયેલી T20 વર્લ્ડ કપ 2026 મૅચમાં દક્ષિણ આફ્રિકા અને અફઘાનિસ્તાન વચ્ચે રોમાંચક જંગ જોવા મળી. બન્ને ટીમોએ 20 ઓવરમાં 187 રન બનાવ્યા, જેના કારણે સુપર ઓવર થઈ. પહેલી સુપર ઓવર પણ ડ્રૉ રહી જેથી બીજી સુપર ઓવર રમાઈ. આખરે દક્ષિણ આફ્રિકાએ બીજી સુપર ઓવરમાં જીત મેળવી. આ મૅચ ટુર્નામેન્ટની સૌથી રોમાંચક મૅચોમાંની એક માનવામાં આવી રહી છે.
દક્ષિણ આફ્રિકાની ઇનિંગ્સ
ADVERTISEMENT
દક્ષિણ આફ્રિકાની શરૂઆત નબળી રહી, કૅપ્ટન એડન માર્કરામ 5 રનમાં ગુમાવી દીધો. ત્યારબાદ ક્વિન્ટન ડી ડિકૉક (59 રન, 41 બૉલ) અને રાયન રિકેલ્ટન (61 રન, 28 બૉલ) એ શાનદાર સદીની ભાગીદારી કરી. બન્નેએ ઝડપથી રન બનાવ્યા, જેના કારણે ટીમ 20 ઓવરમાં 6 વિકેટે 187 રન સુધી પહોંચી ગઈ. પાવરપ્લેમાં ટીમે 43 રન બનાવ્યા, જેમાં રિકેલ્ટને માત્ર 23 બૉલમાં પોતાની અડધી સદી પૂરી કરી. ડિકૉકે પણ મજીબ ઉર રહેમાનના બૉલ પર ફોર મારીને પોતાની અડધી સદી પૂરી કરી. અફઘાનિસ્તાન તરફથી રસીદ ખાને બે વિકેટ લીધી. 13 મી ઓવરમાં, રાશિદે ડી ડિકૉકને ડીપ મિડવિકેટ પર ઇબ્રાહિમ ઝદરાનના હાથે કેચ કરાવ્યો અને પછીના જ બૉલ પર રિકેલ્ટનને LBW આઉટ કરાવ્યો.
અફઘાનિસ્તાનની ઈનિંગ્સ
Heart rate during Afg vs SA match - pic.twitter.com/Uqdvp1KJGR
— Satired Out ! (@Satired_Out) February 11, 2026
187 રનના લક્ષ્યનો પીછો કરતા, અફઘાનિસ્તાને ઝડપી શરૂઆત કરી. રહેમાનુલ્લાહ ગુરબાઝે 42 બૉલમાં 84 રન બનાવ્યા, જેમાં ચાર ફોર અને સાત સિક્સરનો સમાવેશ થાય છે. તેણે પહેલી જ ઓવરમાં લુંગી ન્ગીડીના બૉલ પર બે ફોર ફટકારી. ગુરબાઝે માર્કો યૅન્સેન અને કાગીસો રબાડાની ઓવરમાં પણ પણ બાઉન્ડ્રીઝ મારી. જ્યોર્જ લિન્ડેની એક ઓવરમાં 17 રન માર્યા, અને ટીમ ચાર ઓવરમાં 50 રન સુધી પહોંચી ગઈ. જોકે, ન્ગીડીએ પાંચમી ઓવરમાં બે વિકેટ લઈને મૅચનો માર્ગ બદલી નાખ્યો. તેણે પહેલા ઇબ્રાહિમ ઝદરાનને બોલ્ડ કર્યો અને પછીના જ બૉલ પર ગુલબદીન નાયબને આઉટ કર્યો. ગુરબાઝે 26 બૉલમાં પોતાની અડધી સદી પૂરી કરી, જેનાથી ટીમનો સ્કોર 10 ઓવરમાં 93-3 થયો. 13 મી ઓવરમાં મૅચ ફરી બદલાઈ ગઈ. ત્યારબાદ અઝમતુલ્લાહ ઓમરઝાઈ (22 રન), રાશિદ ખાન (20 રન) અને નૂર અહેમદ (15 નૉટ આઉટ) એ ટીમને મૅચમાં જાળવી રાખી. અફઘાનિસ્તાનને છેલ્લી ઓવરમાં ૧૩ રનની જરૂર હતી. નૂર અહેમદ પહેલા બૉલ પર આઉટ થયો હતો, પરંતુ રબાડાએ નો-બૉલ નાખ્યો. આગલા બૉલ પર અહેમદે સિક્સર ફટકારી. રબાડાએ બીજો નો-બૉલ નાખ્યો. અંતે, રન-આઉટને કારણે સ્કોર બરાબર થઈ ગયો અને મૅચ સુપર ઓવરમાં પહોંચી.
સુપર ઓવરની પણ સુપર ઓવર થઈ
This world cup is not for the weak pic.twitter.com/Jvohnrz1ew
— Sagar (@sagarcasm) February 11, 2026
પહેલી સુપર ઓવરમાં, અઝમતુલ્લાહ ઓમરઝાઈએ લુંગી ન્ગીડીના બૉલ પર બે ફોર અને એક સિક્સની મદદથી 17 રન બનાવ્યા. જવાબમાં, ટ્રિસ્ટન સ્ટબ્સે ફઝલહક ફારૂકીના બૉલ પર બે સિક્સર અને છેલ્લા બૉલ પર એક સિક્સ ફટકારીને સ્કોર 17 પર પહોંચાડ્યો. આમ, પહેલી સુપર ઓવર પણ ડ્રોમાં સમાપ્ત થઈ. બીજી સુપર ઓવરમાં ડેવિડ મિલર અને ટ્રિસ્ટન સ્ટબ્સે ત્રણ છગ્ગા ફટકારીને ૨૩ રન બનાવ્યા. અફઘાનિસ્તાનને ૨૪ રનનો લક્ષ્યાંક આપવામાં આવ્યો હતો. રહેમાનુલ્લાહ ગુરબાઝે કેશવ મહારાજના સતત ત્રણ બૉલ પર ત્રણ સિક્સર ફટકાર્યા, જેનાથી મૅચ રોમાંચક બની ગઈ. જોકે, તે આઉટ થયો અને દક્ષિણ આફ્રિકાએ આખરે જીત મેળવી.
મૅચની સોશિયલ મીડિયા પર જોરદાર ચર્ચા
People who missed today`s SA vs AFG match pic.twitter.com/bq9eBhTZmF
— Forever_yellove (@loyal_cskian) February 11, 2026
આ ડબલ સુપર ઓવર મેચે સોશિયલ મીડિયા પર વ્યાપક ચર્ચા જગાવી. ક્રિકેટ ચાહકોએ તેને તાજેતરના સમયમાં સૌથી રોમાંચક T20 મૅચ ગણાવી. અફઘાનિસ્તાનની લડાયક ભાવના અને દબાણ હેઠળ શાંત રહેવાની દક્ષિણ આફ્રિકાની ક્ષમતાની વ્યાપક પ્રશંસા કરવામાં આવી. આ મૅચ લાંબા સમય સુધી લોકોને યાદ રહેશે.
