T20 વર્લ્ડ કપ 2026 માટેની ૧૬ વૉર્મ-અપ મૅચનો અંતિમ દિવસ ગઈ કાલે ધમાકેદાર અંદાજમાં સમાપ્ત થયો હતો. ચેન્નઈમાં ઇટલીની ટીમે ૧૯૩/૭ના સ્કોર સામે યુનાઇટેડ આરબ એમિરેટ્સને ૧૮.૨ ઓવરમાં ૮૧ રને ઑલઆઉટ કરીને ૧૧૨ રને જીત નોંધાવી હતી.
રિયાન પરાગે ૬૯ રન ફટકાર્યા હતા.
T20 વર્લ્ડ કપ 2026 માટેની ૧૬ વૉર્મ-અપ મૅચનો અંતિમ દિવસ ગઈ કાલે ધમાકેદાર અંદાજમાં સમાપ્ત થયો હતો. ચેન્નઈમાં ઇટલીની ટીમે ૧૯૩/૭ના સ્કોર સામે યુનાઇટેડ આરબ એમિરેટ્સને ૧૮.૨ ઓવરમાં ૮૧ રને ઑલઆઉટ કરીને ૧૧૨ રને જીત નોંધાવી હતી. વૉર્મ-અપ મૅચમાં ઇટલીએ પહેલાં કૅનેડાને ૧૦ રને માત આપી હતી. પહેલી વખત વર્લ્ડ કપ રમનાર ઇટલીને આ જીતથી જબરદસ્ત મોટિવેશન મળશે.
બૅન્ગલોરમાં આયુષ બદોનીના નેતૃત્વમાં ઇન્ડિયા A ટીમે નામિબિયા સામે ૧૩૦ રને જીત મેળવી હતી. રિયાન પરાગે ૩૯ બૉલમાં પાંચ ફોર અને ૬ સિક્સની મદદથી ૬૯ રન ફટકાર્યા હતા. એના આધારે ટીમે ૧૯૭/૮નો સ્કોર ઊભો કર્યો હતો. અશોક શર્મા અને મયંક યાદવ જેવા પેસ બોલર્સના તરખાટને કારણે નામિબિયાની ટીમ ૬૭ રનની અંદર ઑલઆઉટ થઈ હતી. ઇન્ડિયા A ટીમે અગાઉ અમેરિકા સામે ૨૩૮ રન કરીને ૩૮ રને જીત નોંધાવી હતી. ૧૬ મૅચના વૉર્મ-અપ મૅચ શેડ્યુલમાં માત્ર અંતિમ બે મૅચમાં જ ૧૦૦+ રનની જીત જોવા મળી.
