દિલ્હીના મિલિંદ કુમારની તોફાની સદીના આધારે અમેરિકાએ વન-ડેમાં પોતાનો હાઇએસ્ટ રન-ચેઝ કર્યો

UAEના ૩૩૦/૮ના સ્કોર સામે અમેરિકાએ ૪૮.૫ ઓવરમાં ૩૩૨/૪નો સ્કોર કરીને ૬ વિકેટે જીત નોંધાવી હતી

મિલિંદ કુમાર

ડૅલસમાં હાલમાં ICC મેન્સ ક્રિકેટ વર્લ્ડ કપ લીગ ટૂની મૅચ દરમ્યાન અમેરિકાએ પોતાની હાઇએસ્ટ વન-ડે રન-ચેઝ કરવામાં સફળતા મેળવી હતી. UAEના ૩૩૦/૮ના સ્કોર સામે અમેરિકાએ ૪૮.૫ ઓવરમાં ૩૩૨/૪નો સ્કોર કરીને ૬ વિકેટે જીત નોંધાવી હતી. અગાઉ અમેરિકાએ ડૅલસમાં જ ૨૦૨૪માં નેપાલ સામે ૨૯૪ રનનો હાઇએસ્ટ વન-ડે ટાર્ગેટ ચેઝ કર્યો હતો.  

આ શાનદાર રન-ચેઝમાં દિલ્હીમાં જન્મેલા ૩૫ વર્ષના મિલિંદ કુમારની પાંચમી વન-ડે સદીનો મોટો ફાળો હતો. તેણે માત્ર ૮૪ બૉલમાં ૭ ફોર, પાંચ સિક્સની મદદથી અણનમ ૧૧૬ રન ફટકાર્યા હતા. 

ADVERTISEMENT

38

મેન્સ વન-ડે ક્રિકેટમાં અમેરિકા માટે આટલા હાઇએસ્ટ સિક્સ ફટકારનાર ખેલાડી બન્યો , મોનાંક પટેલનો ૩૪ સિક્સનો રેકૉર્ડ તોડ્યો.