° °

આજનું ઇ-પેપર
Thursday, 19 May, 2022


નડાલ ૨૧મા ઐતિહાસિક ટાઇટલથી ત્રણ ડગલાં દૂર

24 January, 2022 12:36 PM IST | New Delhi
Gujarati Mid-day Correspondent | feedbackgmd@mid-day.com

ઑસ્ટ્રેલિયન ઓપનમાં ૨૮ મિનિટનો ટાઇ-બ્રેક જીતીને ૧૪મી ક્વૉર્ટરમાં પહોંચી ગયો : બાર્ટી પણ લાસ્ટ-એઇટમાં

જેસિકા પેગુલા ગઈ કાલે મારિયા સકારી સામે આસાનીથી જીતી હતી (તસવીર : એ.પી.)

જેસિકા પેગુલા ગઈ કાલે મારિયા સકારી સામે આસાનીથી જીતી હતી (તસવીર : એ.પી.)

સ્પેનનો રાફેલ નડાલ ૨૧મા ઐતિહાસિક ગ્રૅન્ડ સ્લૅમ સિંગલ્સ ટાઇટલથી હવે માત્ર ત્રણ ડગલાં દૂર છે. ગઈ કાલે મેલબર્નમાં તે ઑસ્ટ્રેલિયન ઓપનની પ્રી-ક્વૉર્ટર ફાઇનલમાં ફ્રાન્સના લેફ્ટ-હૅન્ડર ઍડ્રિયન મેનરિનોને ૭-૬ (૧૬-૧૪), ૬-૨, ૬-૨થી જીતીને ક્વૉર્ટર ફાઇનલમાં પહોંચી ગયો હતો. નડાલ આ સ્પર્ધાની ૧૪મી વખત ક્વૉર્ટરમાં પહોંચનારો જૉન ન્યુકૉમ્બ પછીનો બીજો ખેલાડી છે. જોકે રૉજર ફેડરર ૧૫ વાર ક્વૉર્ટરમાં પહોંચ્યો છે.
સિક્સ્થ-સીડેડ નડાલ ગઈ કાલે પ્રથમ સેટમાં ૨૮ મિનિટ અને ૪૦ સેકન્ડ સુધી ચાલેલો ટાઇ-બ્રેક જીતીને એ મૅરેથૉન સેટ ૧૬-૧૪થી જીત્યો હતો અને પછી થાકેલો ઍડ્રિયન તેની સામે બાકીના બે સેટ ૨-૬, ૨-૬થી હારી બેઠો હતો.
ઑલિમ્પિક ચૅમ્પિયન ઝ્‍વેરેવ આઉટ
બીજી પ્રી-ક્વૉર્ટરમાં ૧૪મા ક્રમાંકિત કૅનેડિયન ખેલાડી ડેનિસ શાપોવાલોવે ઑલિમ્પિક્સના વિજેતા, થર્ડ-સીડેડ અને આ સ્પર્ધા જીતવા માટેના દાવેદાર જર્મનીના ઍલેક્ઝાન્ડર ઝ્‍વેરેવને ૬-૩, ૭-૫, ૬-૩થી હરાવીને ક્વૉર્ટર ફાઇનલમાં એન્ટ્રી કરી હતી.
બાર્ટી જીતી, ઍઝરેન્કા હારી
વર્લ્ડ નંબર વન ઍશ બાર્ટી ગઈ કાલે ઑસ્ટ્રેલિયન ઓપનના ચોથા રાઉન્ડમાં અમેરિકાની અમેન્ડા ઍનિસિમોવાને હરાવીને ક્વૉર્ટર ફાઇનલમાં પ્રવેશ મેળવ્યો હતો. શનિવારે ડિફેન્ડિંગ ચૅમ્પિયન નાઓમી ઓસાકાને હરાવનાર અમેન્ડાને બાર્ટીએ ગઈ કાલે ૬-૪, ૬-૩થી હરાવી હતી. અન્ય મૅચમાં ફિફ્થ-સીડેડ ગ્રીસની મારિયા સકારીનો અમેરિકાની જેસિકા પેગુલા સામે ૭-૦, ૬-૩થી પરાજય થયો હતો. પેગુલા હવે ક્વૉર્ટરમાં બાર્ટી સામે રમશે. 
જોકે ચોથા ક્રમની બાર્બોરા ક્રેઇચિકોવાએ ૨૪મા નંબરની વિક્ટોરિયા ઍઝરેન્કાને ચોથા રાઉન્ડમાં ૬-૨, ૬-૨થી પરાજિત કરી હતી.
સાનિયા-રામની જોડી ક્વૉર્ટરમાં
ભારતની સાનિયા મિર્ઝા અને અમેરિકાનો રાજીવ રામ ગઈ કાલે ઑસ્ટ્રેલિયન ઓપનમાં સ્ટ્રેઇટ સેટની જીત સાથે મિક્સ્ડ-ડબલ્સની ક્વૉર્ટર ફાઇનલમાં પહોંચી ગયાં હતાં. તેમણે બીજા રાઉન્ડમાં એલન પરેઝ તથા મેટ્વે મિડલકૂપની જોડીને ૮-૬, ૬-૪થી હરાવી હતી. મિર્ઝા આ સ્પર્ધામાં ટકી રહેલી એકમાત્ર ભારતીય ખેલાડી છે. તે ૨૦૦૯માં મહેશ ભૂપતિ સાથેની જોડીમાં અહીં ટાઇટલ જીતી હતી.

24 January, 2022 12:36 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

રેફરીને લાફો મારવા બદલ કુસ્તીબાજ આજીવન સસ્પેન્ડ

સતેન્દર મુકાબલામાં ૩-૦થી આગળ હતો અને ૧૮ સેકન્ડ બાકી હતી. મોહિતે સતેન્દર સામે બે પૉઇન્ટનો દાવો કર્યો, પરંતુ રેફરી વીરેન્દર મલિકે મોહિતને એક જ પૉઇન્ટ આપ્યો હતો. 

18 May, 2022 01:23 IST | Mumbai | Gujarati Mid-day Correspondent
અન્ય સ્પોર્ટ્સ

બૅડ્‍મિન્ટનના ચૅમ્પિયન ભારતીયો મેડલ ગળામાં જ રાખીને સૂઈ ગયા!

તેમણે બ્રૉન્ઝ મેડલની અપેક્ષા રાખી હતી, પણ સુવર્ણચંદ્રક સાથે ચૅમ્પિયન બની ગયા એ તેમને માટે બહુ મોટું આશ્ચર્ય છે

17 May, 2022 02:57 IST | New Delhi | Gujarati Mid-day Correspondent
અન્ય સ્પોર્ટ્સ

જૉકોવિચ અને પુત્ર સ્ટેફાન એક જ દિવસે ટુર્નામેન્ટ જીત્યા

સ્ટેફાનનું સત્તાવાર રીતે આ પહેલું જ ટેનિસ-ટાઇટલ હતું એટલે રોમ શહેરમાં જૉકોવિચના રોમેરોમમાં ખુશી છલકાતી હતી

17 May, 2022 02:34 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK