મનિકાએ નૅશનલ કોચ સૌમ્યદીપ રૉય પણ પર ફિક્સિંગનો આરોપ મૂક્યો હતો, જેના માટે ફેડરેશન દ્વારા એક તપાસ સમિતિ પણ બનાવવામાં આવી છે.
મનિકા એશિયન ચૅમ્પિયનશિપની ભારતીય ટીમમાંથી બહાર
સ્ટાર ટેનિસ ખેલાડી મનિકા બત્રા દોહામાં ૨૮ સપ્ટેમ્બરથી શરૂ થનારી એશિયન ચૅમ્પિયનશિપની ભારતીય ટીમમાંથી બહાર થઈ ગઈ છે, કારણ કે તે હરિયાણાના સોનીપટમાં આયોજિત નૅશનલ કૅમ્પમાં હાજર નહોતી. એની ગેરહાજરીમાં વિશ્વમાં ૫૬મો ક્રમાંક ધરાવતી સુતિર્થા મુખરજી ભારતીય મહિલા ટીમનું નેતૃત્વ કરશે. ચીન આ સ્પર્ધામાં ભાગ લેવાનું ન હોવાથી પુરુષોની ટીમ મેડલ મેળવશે એવી આશા છે. ટેબલ ટેનિસ ફેડરેશને અગાઉથી જાહેર કર્યું હતું કે જે ખેલાડીઓ કૅમ્પમાં હાજર નહીં હોય તેમની પસંદગી કરવામાં નહીં આવે. ગઈ કાલે ટીમની ઘોષણા કરવામાં આવી હતી. મનિકાએ ફેડરેશનને જણાવ્યું હતું કે તે પુણેમાં પોતાના પર્સનલ કોચ સાથે તાલિમ લેશે. મનિકાએ નૅશનલ કોચ સૌમ્યદીપ રૉય પણ પર ફિક્સિંગનો આરોપ મૂક્યો હતો, જેના માટે ફેડરેશન દ્વારા એક તપાસ સમિતિ પણ બનાવવામાં આવી છે.
