જિતેન્દ્રએ ૮૫૫ કરોડ રૂપિયામાં વેચ્યો અંધેરીનો પ્લૉટ

આ ડીલમાં જે જમીનનું વેચાણ કરવામાં આવ્યું છે એમાં એકબીજાને અડીને આવેલા બે પ્લૉટનો સમાવેશ છે

જિતેન્દ્ર

જિતેન્દ્ર અને તેમના પરિવારે અંધેરીમાં ૮૫૫ કરોડ રૂપિયામાં જમીનનો એક પ્લૉટ વેચ્યો છે. એ જમીન એનટીટી ગ્લોબલ ડેટા સેન્ટર્સ ઍન્ડ ક્લાઉડ ઇન્ફ્રાસ્ટ્રક્ચર ઇન્ડિયા પ્રાઇવેટ લિમિટેડ નામની કંપનીએ ખરીદી હતી. આ કંપની પહેલાં નેટમૅજિક આઇટી સર્વિસિસ તરીકે ઓળખાતી હતી. આ સોદો સત્તાવાર રીતે ૨૦૨૫ની ૨૯ મેના દિવસે રજિસ્ટર્ડ થયો હતો. ડૉક્યુમેન્ટ્સ પ્રમાણે આ જમીન કપૂર-પરિવાર દ્વારા સંચાલિત બે કંપનીઓ પૅન્થિઓન બિલ્ડકૉન પ્રાઇવેટ લિમિટેડ અને તુષાર ઇન્ફ્રા ડેવલપર્સ પ્રાઇવેટ લિમિટેડ દ્વારા વેચવામાં આવી છે.

આ ડીલમાં જે જમીનનું વેચાણ કરવામાં આવ્યું છે એમાં એકબીજાને અડીને આવેલા બે પ્લૉટનો સમાવેશ છે જે સંયુક્ત રીતે કુલ ૯૬૬૪.૬૮ સ્ક્વેર મીટરના વિસ્તારને આવરી લે છે. હાલમાં આ સ્થળે બાલાજી આઇટી પાર્ક છે જેમાં ત્રણ ઇમારત છે અને એનો કુલ બિલ્ટઅપ એરિયા ૪.૯૦ લાખ સ્ક્વેર ફીટ છે.

ADVERTISEMENT

મિલકતના દસ્તાવેજ અનુસાર આ ટ્રાન્ઝૅક્શન માટે ૮.૬૯ કરોડ રૂપિયાની સ્ટૅમ્પ-ડ્યુટી અને ૩૦,૦૦૦ રૂપિયા રજિસ્ટ્રેશન-ફી ચૂકવાઈ છે. જિતેન્દ્ર અને તેમની ટીમે આ બિગ ડીલ પર હજી સુધી કોઈ ઑફિશ્યલ નિવેદન નથી આપ્યું.