‘મિસ્ટર ઇન્ડિયા’ની થીમ પર આધારિત આ ખાસ એપિસોડમાં મજેદાર કોયડાઓ અને રમતોની સાથે સમાજસેવામાં નિઃસ્વાર્થ યોગદાન આપતા લોકોની પ્રેરણાદાયી કહાનીઓ પણ રજૂ કરવામાં આવશે.
મિસ્ટર ઇન્ડિયા
બૉલિવૂડના દિગ્ગજ અભિનેતા અનિલ કપૂર 39 વર્ષ બાદ ફરી એક વાર પોતાની લોકપ્રિય ફિલ્મ ‘મિસ્ટર ઇન્ડિયા’ના યાદગાર લુકમાં જોવા મળશે. સ્ટાર પ્લસના શો ‘ઇન્ડિયા કે ટોપ 1%’ના ખાસ એપિસોડમાં અનિલ કપૂર એ જ કોટ, શર્ટ, પેન્ટ અને જેકેટમાં જોવા મળશે, જે તેમણે ફિલ્મમાં પહેર્યાં હતાં. આ દરમિયાન તેમણે પોતાની આઇકોનિક જેકેટ સાથે જોડાયેલો રસપ્રદ કિસ્સો પણ સંભળાવ્યો હતો. અનિલ કપૂરે ખુલાસો કર્યો કે તેમણે આ જેકેટ મુંબઈના ચોર બજારમાંથી ખરીદી હતી. ‘મિસ્ટર ઇન્ડિયા’ની થીમ પર આધારિત આ ખાસ એપિસોડમાં મજેદાર કોયડાઓ અને રમતોની સાથે સમાજસેવામાં નિઃસ્વાર્થ યોગદાન આપતા લોકોની પ્રેરણાદાયી કહાનીઓ પણ રજૂ કરવામાં આવશે. આ એપિસોડ એવા લોકોને સમર્પિત છે, જેઓ કોઈ પણ બદલાની અપેક્ષા વિના દેશ અને સમાજની સેવા કરે છે.
39 વર્ષ જૂનાં કપડાં આજે પણ ફિટ
ADVERTISEMENT
પોતાનો જૂનો લુક ફરી અપનાવવાની ખુશી વ્યક્ત કરતાં અનિલ કપૂરે જણાવ્યું હતું કે ફિલ્મમાં પહેરેલાં તેમનાં કપડાં આજે પણ તેમને એકદમ ફિટ આવે છે. તેમણે કહ્યું હતું કે ટીમે જ્યારે ‘મિસ્ટર ઇન્ડિયા’નો જૂનો કૉસ્ચ્યુમ શોધવાની વાત કરી ત્યારે તેમણે જણાવ્યું કે આ કપડાં તેમણે સાચવીને રાખ્યાં છે. અનિલ કપૂરે કહ્યું, “શર્ટ આજે પણ મને ફિટ આવે છે, પેન્ટ પણ ફિટ આવે છે અને જેકેટ પણ. 39 વર્ષ પછી પણ બધું ફિટ છે! ટીમે કહ્યું કે કાશ, અમને ‘મિસ્ટર ઇન્ડિયા’નો કૉસ્ચ્યુમ મળી જાય. મેં તેમને કહ્યું કે એ તો મેં સાચવીને રાખ્યો છે.” અભિનેતાના આ ખુલાસાથી તેમની ફિલ્મ સાથે જોડાયેલી યાદો ફરી તાજી થઈ છે. ખાસ વાત એ પણ છે કે હાલ અનિલ કપૂરના વાળ લાંબા છે, જે ‘મિસ્ટર ઇન્ડિયા’માં તેમના લુકને મળતા આવે છે.
View this post on Instagram
દરેક વ્યક્તિ બની શકે છે મિસ્ટર ઇન્ડિયા
આ ખાસ એપિસોડના સામાજિક સંદેશ વિશે વાત કરતાં અનિલ કપૂરે કહ્યું હતું કે આ કાર્યક્રમનો વિચાર ફિલ્મના મૂળ સંદેશ સાથે જોડાયેલો છે. તેમના મતે, દેશની સેવા કરવા માટે કોઈ સુપરહીરો હોવું જરૂરી નથી, કારણ કે નિઃસ્વાર્થ ભાવનાથી કામ કરનાર દરેક વ્યક્તિ પોતાના સ્તરે ‘મિસ્ટર ઇન્ડિયા’ બની શકે છે. અનિલ કપૂરે જણાવ્યું હતું કે ફિલ્મ જોયા બાદ રાજ કપૂરે પણ તેની પાસેથી મળતા સંદેશ વિશે વાત કરી હતી. તેમણે ઉમેર્યું કે દેશ માટે કોઈ પણ અપેક્ષા વિના કામ કરનારા લોકોનું યોગદાન જ રાષ્ટ્રના ઘડતરમાં મહત્ત્વપૂર્ણ ભૂમિકા ભજવે છે.
ચોર બજારમાંથી ખરીદી હતી યાદગાર જેકેટ
પોતાની જાણીતી જેકેટ વિશે વાત કરતાં અનિલ કપૂરે કહ્યું હતું કે તેમણે તે મુંબઈના ચોર બજારમાંથી ખરીદી હતી. હાલ તેમના વાળ પણ લાંબા હોવાથી આ જૂનો લુક વધુ આકર્ષક બની રહ્યો છે. ‘મિસ્ટર ઇન્ડિયા’ વર્ષોથી દર્શકોની યાદોમાં વસેલી ફિલ્મ છે. અનિલ કપૂરનો આ લુક અને ફિલ્મ સાથે જોડાયેલી તેમની યાદો ફરી એક વાર ચાહકોમાં જૂની ફિલ્મ પ્રત્યેનો ઉત્સાહ જગાવશે. ‘ઇન્ડિયા કે ટોપ 1% – ધ અનિલ કપૂર શો’નો આ ખાસ એપિસોડ દર શનિવાર અને રવિવારે રાત્રે 8 વાગ્યે સ્ટાર પ્લસ અને જિયો હોટસ્ટાર પર જોઈ શકાશે.
