ગોવિંદા અને સુનીતા આહુજાનો દીકરો યશવર્ધન આહુજા એકતા કપૂરની હૉરર-કૉમેડી ‘હીરો કી હૉરરઇન’થી બૉલીવુડમાં ડેબ્યુ કરશે. ફિલ્મમાં નિતાંશી ગોયલ લીડ રોલમાં જોવા મળશે.
યશવર્ધન આહુજા અને નિતાંશી ગોયલ
એકતા કપૂર દ્વારા નિર્મિત હૉરર-કૉમેડી ફિલ્મ ‘હીરો કી હૉરરઇન’થી ગોવિંદા અને સુનીતા આહુજાનો દીકરો યશવર્ધન આહુજા બૉલીવુડમાં ડેબ્યુ કરશે. હવે ફિલ્મની સ્ટારકાસ્ટ અને રિલીઝ-ડેટ વિશે પણ માહિતી સામે આવી છે.
યશવર્ધન આહુજા સાથે આ ફિલ્મમાં ‘લાપતા લેડીઝ’માં ચમકેલી માત્ર ૧૯ વર્ષની નિતાંશી ગોયલ લીડ ઍક્ટ્રેસ તરીકે જોવા મળશે. આ ઉપરાંત ફિલ્મમાં ગોવિંદાની પત્ની સુનીતા પણ મહત્ત્વની ભૂમિકામાં જોવા મળશે. તેમના સિવાય ‘હીરો કી હૉરરઇન’માં જૉની લીવરની દીકરી જૅમી લીવર તેમજ ચંકી પાંડે જેવાં કલાકારો પણ જોવા મળશે. આ ફિલ્મમાં હૉરર, રોમૅન્સ અને હ્યુમરનું મિશ્રણ જોવા મળશે. આ ફિલ્મ આવતા વર્ષે ૭ જાન્યુઆરીએ રિલીઝ કરવાનો પ્લાન છે.
