વારંવાર ફિલ્મોમાં પોલીસની ભૂમિકા ભજવીને જયદીપ અહલાવત કંટાળી ગયો છે અને તેણે પણ આ વાત સ્વીકારી છે.
જયદીપ અહલાવત
અજય દેવગનની સુપરહિટ ફિલ્મ-ફ્રૅન્ચાઇઝી ‘દૃશ્યમ : ધ કન્ક્લુઝન’ને દર્શકો તરફથી સારો પ્રતિસાદ મળી રહ્યો છે. ફિલ્મમાં જયદીપ અહલાવત પોલીસ-અધિકારીની ભૂમિકામાં જોવા મળ્યો છે. તેણે રાજવીર સિંહ તોમરનું પાત્ર ભજવ્યું છે. જોકે, એવું લાગે છે કે વારંવાર ફિલ્મોમાં પોલીસની ભૂમિકા ભજવીને જયદીપ અહલાવત કંટાળી ગયો છે અને તેણે પણ આ વાત સ્વીકારી છે. હવે તેને આશા છે કે ફિલ્મ-નિર્માતાઓ વારંવાર તેને પોલીસ-અધિકારીની ભૂમિકા ઑફર નહીં કરે.
પોતાની આ લાગણી વ્યક્ત કરતાં જયદીપ અહલાવતે કહ્યું હતું કે ‘‘દૃશ્યમ : ધ કન્ક્લુઝન’ને મળેલી બ્લૉકબસ્ટર સફળતા... આ મારી કરીઅરને કેવી રીતે બદલશે એ મને ખબર નથી પણ જે પણ બદલાવ આવશે એ સારો હશે એવી મને આશા છે. મને આશા છે કે હવે વધુ સારાં અને પડકારજનક પાત્રો ભજવવાની તક મળશે. હું આશા રાખું છું કે મને વારંવાર પોલીસ-અધિકારીની ભૂમિકા ભજવવાનું કહેવામાં નહીં આવે. હું આવા રોલ કરીને કંટાળી ગયો છું. મને આશા છે કે વધુ પડકારો, સારી પટકથાઓ અને દમદાર પાત્રો મળશે.’
