ફોટોમાં કરીનાના હાથમાં કપ છે અને આમિર તેને કંઈક સમજાવતો હોય એવું દેખાઈ રહ્યું છે
આમિર દાઢીમાં અને માથે પાઘડી પહેરેલો જોવા મળ્યો હતો તો કરીના એકદમ સાદા સલવાર સૂટમાં દેખાઈ રહી હતી
કરીના કપૂર ખાન અને આમિર ખાને મુંબઈમાં ‘લાલ સિંહ ચઢ્ઢા’નું શૂટિંગ શરૂ કરી દીધું છે. સેટ પરનો એક ફોટો વાઇરલ થયો છે. ફોટોમાં કરીનાના હાથમાં કપ છે અને આમિર તેને કંઈક સમજાવતો હોય એવું દેખાઈ રહ્યું છે. ત્યાર બાદ બન્ને ફિલ્મના પોતાના લુકમાં જોવા મળ્યાં હતાં. આમિર દાઢીમાં અને માથે પાઘડી પહેરેલો જોવા મળ્યો હતો તો કરીના એકદમ સાદા સલવાર સૂટમાં દેખાઈ રહી હતી. થોડા સમય પહેલાં જ આમિરે લદાખમાં જઈને આ ફિલ્મનું શૂટિંગ કર્યું હતું. આ ફિલ્મનું થોડું કામ જ બાકી છે. ‘લાલ સિંહ ચઢ્ઢા’ના શૂટિંગ દરમ્યાન કરીના બીજી વખત પ્રેગ્નન્ટ થઈ હતી. તેણે ફેબ્રુઆરીમાં બીજા દીકરાને જન્મ આપ્યો છે. દીકરાના જન્મ બાદ આ તેનું પહેલું શૂટિંગ છે.