ફોટોગ્રાફર્સથી ચહેરો છુપાવવા માસ્ક પહેર્યો, તેની સાથે બહેન સારા અલી ખાન પણ હતી
ગર્લફ્રેન્ડ પલક તિવારી સાથે સીક્રેટ આઉટિંગ માટે નીકળેલો ઇબ્રાહિમ અલી ખાન કૅમેરામાં ક્લિક થઈ ગયો
સૈફ અલી ખાનનો દીકરો ઇબ્રાહિમ અલી ખાન પોતાની કરીઅર કરતાં વધુ પોતાની લવ-લાઇફને લઈને ચર્ચામાં છે. હાલમાં તેનું નામ ઍક્ટ્રેસ પલક તિવારી સાથે જોડાઈ રહ્યું છે. તાજેતરમાં બન્ને સીક્રેટ આઉટિંગ પર સાથે જોવા મળ્યાં. જોકે આ સમયે ઇબ્રાહિમ પોતાની જાતને ફોટોગ્રાફર્સથી બચાવતો જોવા મળ્યો અને આ માટે તેણે ચહેરા પર માસ્ક પહેરી લીધો હતો. આ આઉટિંગમાં પલક અને ઇબ્રાહિમ સાથે તેની બહેન સારા અલી ખાન પણ જોવા મળી હતી. આ સમયે ઇબ્રાહિમે પોતાનો ચહેરો છુપાવ્યો હતો પણ પલક અને સારાએ આરામથી ફોટોગ્રાફર્સને પોઝ આપ્યા હતા અને ત્રણેય એક જ કારમાં બેસીને રવાના થયાં હતાં.
