મુંબઈ પોલીસે એક મહિલાની ધરપકડ કરી છે જે સલમાન ખાનના મુંબઈ સ્થિત ગેલેક્સી અપાર્ટમેન્ટમાં ઘુસવાનો પ્રયત્ન કરી રહી હતી. મહિલાનું નામ ઈશા છાબરા કહેવામાં આવી રહ્યું છે. મુંબઈ પોલીસ તે મહિલાની પૂછપરછ કરી રહી છે.
સલમાન ખાન (ફાઈલ તસવીર)
સલમાન ખાનના ગેલેક્સી અપાર્ટમેન્ટમાં ઘૂસણખોરીનો પ્રયત્ન કરનારા એક શખ્સ અને એક મહિલાની મુંબઈ પોલીસે ધરપકડ કરી લીધી છે. આ બન્ને ઘટનાઓ બે જૂદાં-જૂદાં દિવસે થઈ છે. સલમાન ખાનને છેલ્લા ઘણાં સમયથી ધમકીઓ મળી રહી છે.
બૉલિવૂડ એક્ટર સલમાન ખાન છેલ્લા કેટલાક સમયથી પોતાની સુરક્ષાને લઈને ચર્ચામાં છે. તેને જાનથી મારી નાખવાની ધમકીઓ પણ મળી ચૂકી છે. હવે સલમાન ખાનની સુરક્ષાને લઈને વધુ એક સમાચાર સામે આવ્યા છે. મુંબઈ પોલીસે એક મહિલાની ધરપકડ કરી છે જે સલમાન ખાનના મુંબઈ સ્થિત ગેલેક્સી અપાર્ટમેન્ટમાં ઘુસવાનો પ્રયત્ન કરી રહી હતી. મહિલાનું નામ ઈશા છાબરા કહેવામાં આવી રહ્યું છે. મુંબઈ પોલીસ તે મહિલાની પૂછપરછ કરી રહી છે. જણાવવાનું કે, આ પહેલા એક શખ્સે સલમાન ખાનના ઘરમાં ઘુસવાનો પ્રયત્ન કરી રહ્યો હતો.
ADVERTISEMENT
ન્યૂઝ એજન્સી એએનઆઈ પ્રમાણે એક મહિલા સલમાન ખાનના ગેલેક્સી અપાર્ટમેન્ટમાં ઘૂસણખોરી કરવાનો પ્રયત્ન કરી રહી હતી જેના પછી પોલીસે તેની ધરપકડ કરી લીધી છે. પોલીસ મહિલાની પૂછપરછ કરી રહી છે.
એક અન્ય રિપૉર્ટ પ્રમાણે ઈશા છાબરા (32 વર્ષીય)એ ગેલેક્સી અપાર્ટમેન્ટમાં રાતના લગભગ સાડા ત્રણ વાગ્યે ઘૂસણખોરી કરવાનો પ્રયત્ન કર્યો હતો. ઈશા ગેલેક્સી અપાર્ટમેન્ટી લિફ્ટ સુધી પહોંચી ગઈ હતી. ઈશાની એક સીસીટીવી ફૂટેજ પણ સામે આવી છે.
Mumbai | A woman attempting to trespass into Actor Salman Khan`s residence at Galaxy apartments arrested by the Police. The Police are questioning the woman: Mumbai Police
— ANI (@ANI) May 22, 2025
20 મેના રોજ પોલીસે એક વ્યક્તિની ધરપકડ કરી
પીટીઆઈના અહેવાલ મુજબ, મુંબઈ પોલીસે બે અજાણ્યા વ્યક્તિઓ સામે કેસ નોંધ્યો છે. અગાઉ 20 મેના રોજ સલમાન ખાનની ઇમારતમાં પ્રવેશ કરવા બદલ જીતેન્દ્ર કુમાર સિંહ નામના વ્યક્તિ વિરુદ્ધ કેસ નોંધવામાં આવ્યો હતો. જણાવવામાં આવી રહ્યું છે કે જીતેન્દ્ર છત્તીસગઢનો રહેવાસી છે.
21 મેના રોજ એક મહિલાની ધરપકડ કરવામાં આવી હતી
આ પછી, પોલીસે 21 મેના રોજ સલમાન ખાનના ગેલેક્સી એપાર્ટમેન્ટમાં ઘૂસવા બદલ એક મહિલાની ધરપકડ કરી. તે સ્ત્રી એપાર્ટમેન્ટની લિફ્ટ સુધી પહોંચી ગઈ હતી. પોલીસ બંનેની પૂછપરછ કરી રહી છે. અહેવાલો અનુસાર, 20 મેના રોજ ધરપકડ કરાયેલા વ્યક્તિને સવારે સલમાન ખાનના ઘરની બહાર તૈનાત પોલીસે અટકાવ્યો હતો. પોલીસે પહેલા તે માણસને ત્યાંથી ચાલ્યો જવા કહ્યું, ત્યારબાદ તે માણસે ત્યાં એક દ્રશ્ય બનાવ્યું. તેણે પોતાનો ફોન જમીન પર ફેંકી દીધો અને તેને તોડી નાખ્યો. આ પછી, તે વ્યક્તિ સાંજે બિલ્ડિંગમાં રહેતા એક વ્યક્તિની કારમાં પાછો ફર્યો.
સાંજે, પોલીસે તે માણસને બિલ્ડિંગમાંથી પકડ્યો. આ પછી તે વ્યક્તિને બાંદ્રા પોલીસને સોંપવામાં આવ્યો. પોલીસને પોતાનો ખુલાસો આપતાં, તે વ્યક્તિએ કહ્યું, "હું સલમાન ખાનને મળવા માંગતો હતો, પરંતુ પોલીસ મને તેને મળવા દેતી ન હતી, તેથી હું છુપાઈ જવાનો પ્રયાસ કરી રહ્યો હતો." તમને જણાવી દઈએ કે, સલમાન ખાન તેના પરિવાર સાથે ગેલેક્સી એપાર્ટમેન્ટમાં રહે છે.
