જવાન અને રાકાનો ડિરેક્ટર ઍટલી આવું કરી દેખાડશે
તાજેતરમાં શાહરુખ ખાને ‘રાકા’ના ફર્સ્ટ લુકની પ્રશંસા કરી હતી
અલ્લુ અર્જુન અને દીપિકા પાદુકોણની આગામી ફિલ્મ ‘રાકા’ હાલમાં ભારે ચર્ચામાં છે. આ ફિલ્મનું નામ અલ્લુ અર્જુનની ૪૪મી વર્ષગાંઠે જાહેર કરવામાં આવ્યું હતું. હવે ખબર પડી છે કે આ ફિલ્મમાં શાહરુખ ખાન એક ખાસ કૅમિયોમાં જોવા મળી શકે છે અને તેણે ડિરેક્ટર ઍટલીની આ ફિલ્મમાં કામ કરવા માટે મંજૂરી આપી દીધી છે. શાહરુખ અને ઍટલીએ ૨૦૨૩માં ‘જવાન’ ફિલ્મમાં સાથે કામ કર્યું હતું. હવે ‘રાકા’માં શાહરુખ નાની પરંતુ મહત્ત્વપૂર્ણ ભૂમિકામાં જોવા મળશે. ખાસ વાત તો એ છે કે અગાઉ અલ્લુ અર્જુનને ‘જવાન’માં કૅમિયો માટે ઑફર મળી હતી, પરંતુ ‘પુષ્પા - ધ રૂલ’ના શૂટિંગને કારણે તે આ રોલ કરી શક્યો નહોતો. હવે ‘રાકા’માં બન્ને સ્ટાર્સ સાથે જોવા મળશે જે ચાહકો માટે ખાસ રહેશે.
