યશની ટૉક્સિક હકીકતમાં પિતા અને પુત્ર વચ્ચેના સંઘર્ષની સ્ટોરી

‘ટૉક્સિક’ ભારતના સ્વતંત્રતા સમયગાળા પર આધારિત છે

યશ

૪ જૂને રિલીઝ થનારી સાઉથના સુપરસ્ટાર યશની આગામી ફિલ્મ ‘ટૉક્સિક’ વિશે નવો રસપ્રદ ખુલાસો આવ્યો છે. મળતી માહિતી પ્રમાણે આ ફિલ્મ સામાન્ય ગૅન્ગસ્ટર સ્ટોરી નહીં હોય, પરંતુ પિતા અને પુત્ર વચ્ચેના સંઘર્ષની તેમ જ તેમની વચ્ચેની બદલો લેવાની ઇમોશનલ સ્ટોરી હશે.

‘ટૉક્સિક’ ભારતના સ્વતંત્રતા સમયગાળા પર આધારિત છે. ૧૯૪૭માં ભારત સ્વતંત્ર થયું હતું પરંતુ ગોવા હજી પણ પોર્ટુગીઝના શાસન હેઠળ હતું અને આ સમયગાળામાં જ ફિલ્મની સ્ટોરી આકાર લે છે.

ADVERTISEMENT

‘ટૉક્સિક’ ગૅન્ગસ્ટર ડ્રામા તરીકે રજૂ થશે જેમાં ગુનાહિત દુનિયા, સત્તાની લડાઈ, દગો અને પરિવારની અંદરની તનાવભરી પરિસ્થિતિઓ દર્શાવવામાં આવશે. ફિલ્મમાં પિતા-પુત્ર વચ્ચેનો સંઘર્ષ મુખ્ય કેન્દ્રમાં હશે જે વાર્તાને વધારે ઇન્ટેન્સ બનાવશે.