લેટેસ્ટ યાદી પ્રમાણે આ અઠવાડિયે ત્રીજા ક્રમે ‘યે રિશ્તા ક્યા કહલાતા હૈ’ છે
‘અનુપમા’, ‘ક્યોંકિ... સાસ ભી કભી બહૂ થી 2’
બ્રૉડકાસ્ટ ઑડિયન્સ રિસર્ચ કાઉન્સિલ (BARC) દ્વારા જાહેર કરેલા લેટેસ્ટ ટેલિવિઝન રેટિંગ પૉઇન્ટ (TRP) પ્રમાણે આ અઠવાડિયે પણ ‘અનુપમા’એ ૨.૪ પૉઇન્ટ સાથે હંમેશની જેમ પ્રથમ સ્થાન મેળવ્યું છે. જોકે એ પછી ૨.૦ પૉઇન્ટ સાથે બીજા ક્રમે ‘ક્યોંકિ... સાસ ભી કભી બહૂ થી 2’ આવી ગઈ છે. ખાસ વાત એ છે કે આ શો ગયા અઠવાડિયે ત્રીજા ક્રમે હતો. આમ હવે અનુપમા અને તુલસી વચ્ચે નંબર વન બનવા માટે ગળાકાપ સ્પર્ધા છે.
લેટેસ્ટ યાદી પ્રમાણે આ અઠવાડિયે ત્રીજા ક્રમે ‘યે રિશ્તા ક્યા કહલાતા હૈ’ છે અને એનો TRP પણ ૨.૦ જેટલો નોંધાયો છે. આ લિસ્ટમાં ચોથા સ્થાને ૧.૯ TRP સાથે આવેલો ‘તારક મેહતા કા ઉલ્ટા ચશ્મા’ ગયા અઠવાડિયાની જેમ જ ચોથા સ્થાને છે. આ અઠવાડિયે ‘ઉડને કી આશા’ ૧.૮ TRP સાથે ટૉપ ફાઇવમાં પાછી ફરી છે.
