બન્નેએ દોઢ વર્ષ ડેટ કર્યા બાદ ગયા વર્ષે નવેમ્બર મહિનામાં કોર્ટ મેરેજ કર્યા હતા
શાહીર શેખ અને રુચિકા કપૂરની ફાઈલ તસવીર
ટેલિવિઝન કપલ શાહીર શેખ (Shaheer Sheikh) અને રુચિકા કપૂર (Ruchikaa Kapoor)ને ગણેશ ચર્તુથીના દિવસે ગણેશજીએ આર્શિવાદમાં લક્ષ્મી આપી છે. એટલે કે, તેમના ઘરે દીકરીનો જન્મ થયો છે. ગઈકાલે જ રુચિકાએ દીકરીને જન્મ આપ્યો છે. ગત વર્ષના નવેમ્બર મહિનામાં કોર્ટ મેરેજ કરનાર કપલે પ્રેગનેન્સિની કોઈ ઓફિશ્યલ જહેરાત નહોતી કરી . પરંતુ થોડાક સમય પહેલા રુચિકાના બેબી શૉવરના ફોટો વાયરલ થયા હતા. ત્યારબાદ ગઈકાલે તેઓ દીકરીના માતા-પિતા બન્યા હોવાના સમાચાર આવ્યા છે.
શાહીર શેખ અને રુચિકા કપૂરે પ્રેગનેન્સિની કોઈ ઓફિશ્યલ જહેરાત કે સોશ્યલ મીડિયા પર પોસ્ટ પણ નહોતા કર્યા. પણ સોશ્યલ મીડિયા પરની અન્ય પોસ્ટ પરથી ચાહકોએ રુચિકા પ્રેગ્નન્ટ હોવાનું અનુમાન કર્યું હતું. બેબી શૉવરના ફોટો જોયા પછી આ વાત પર મહોર લાગી ગઈ હતી.
ADVERTISEMENT
આ ટીવી કપલે ગયા વર્ષે નવેમ્બર મહિનામાં કોર્ટ મેરેજ કર્યા હતા અને પછી તેઓ શાહીરના હોમ ટાઉન જમ્મુ ગયા હતા. ઈટાઈમ્સને આપેલા એક જુના ઇન્ટરવ્યુમાં શાહીરે લગ્ન જીવન વિશે કહ્યું હતું કે, ‘લગ્ન પછી અમે બન્ને એક નવા તબક્કામાં પ્રવેશ્યા છીએ અને રોજ કંઈક નવું શીખી રહ્યાં છીએ. હું ઘણા વર્ષોથી મુંબઈમાં એકલો રહેતો હતો. રુચિકા સાથે મારી સ્પેસ શૅર કરી હું ઘણું બધું શીખ્યો. મને રુચિકાની રસોઈ પણ ખૂબ ગમે છે’.
તમને જણાવી દઈએ કે, શાહીર શેખ અને રુચિકાની મુલાકાત આશરે બે વર્ષે પહેલાં ‘જજમેન્ટલ હૈ ક્યાં’ના સેટ પર થઇ હતી. બન્નેએ દોઢ વર્ષ સુધી એક-બીજાને ડેટ કરતા હતા.
વર્ક ફ્રન્ટની વાત કરીએ તો, રુચિકા કપૂરે રાજકુમાર રાવ સ્ટારર ‘જજમેન્ટલ હૈ ક્યાં’, ‘જબરિયા જોડી’, ‘ડોલી કિટ્ટી ઔર વો ચમકતે સિતારે’, ‘ડ્રીમ ગર્લ’માં કામ કર્યું છે. તે બાલાજી મોશન પિક્ચર્સ લિમિટેડમાં ક્રિએટિવ પ્રોડ્યુસર અને એક્ઝિક્યુટિવ વાઈસ પ્રેસિડેન્ટ છે. જ્યારે શાહીર શેખ હવે ‘પવિત્ર રિશ્તા’ની બીજી સીઝનમાં દેખાવવાનો છે. ZEE5 પર સ્ટ્રીમ થનારી આ સિરિયલમાં તે સ્વર્ગીય અભિનેતા સુશાંત સિંહ રાજપૂતનો રોલ કરશે.