તમે પણ મોકલી શકો છો રેસિપી : સાથે વાનગીનો ફોટો હોવો જરૂરી. તમારા નામ, ફોટો અને ફોન-નંબર સાથે gujmid@gmail.com પર ઈમેઇલ કરો. સિલેક્ટેડ રેસિપી પ્રકાશિત થશે
મખાના રોલ વિથ મખાના રબડી
સામગ્રી : બે વાટકી મખાના, ૩/૪ વાટકી મિક્સ ડ્રાયફ્રૂટ્સ, ૧/૪ વાટકી કોપરાનું ખમણ, ૧/૨ વાટકી મલાઈ, ૨ બ્રેડ (કિનારી કાઢેલી), ૫થી ૬ એલચી, કેસર, બે ચમચી દળેલી સાકર (રોલ માટે), ૩થી ૪ ચમચી સાકર જરૂર પ્રમાણે, ઘી એક ચમચી, ૩/૪ લીટર દૂધ
ડેકોરેશન માટે : કાજુ, બદામ, પિસ્તાની કતરન તથા ચારોળી
ADVERTISEMENT
રીત : મખાનાને ગરમ કરવા એમાં એક ચમચી ઘી નાખીને શેકવા. મખાના કાઢીને ગરમ તાવડીમાં જ ખમણ શેકી લેવું. પછી ડ્રાયફ્રૂટ્સને શેકી લેવું. ઠંડું પડે ત્યારે બધી સામગ્રીને મિક્સરમાં નાખી એમાં ૩ એચલી તથા જરા કેસર નાખી ચર્ન કરીને પાઉડર કરવો. એમાંથી એક વાટકી જેટલો પાઉડર સાઇડ પર રાખવો. દૂધને ઊકળવા મૂકવું. ઊકળે એટલે એમાં મખાનાનો પાઉડર કર્યો છે એ ઓગાળી દૂધમાં દેવો. પછી દૂધ જાડું થતું જાય ત્યારે સાકર નાખીને ઉકાળવું. રબડી જેવું થઈ જાય એટલે ગૅસ બંધ કરવો. એમાં એલચી અને કેસર નાખવાં. હવે બીજા મખાના પાઉડરને મિક્સરમાં મલાઈ તથા બ્રેડની બે સ્લાઇસ, દળેલી સાકર, એલચી નાખીને ચર્ન કરવું. આ લોટ જેવું બહાર કાઢી એને જરા મસળીને થોડું નરમ લાગે ત્યારે થોડો પાઉડર નાખીને રોલ બનાવી લેવા. હવે બાઉલમાં રોલ મૂકી એના પર મખાના રબડી રેડવા. પછી એના પર ડ્રાયફ્રૂટ્સની કતરન તથા ચારોળીથી સજાવવું. શિયાળામાં મખાના રોલ વિથ મખાના રબડી એકદમ હેલ્ધી તથા ટેસ્ટી લાગે છે.
- રાગિણી ગાંધી
