આ ઘટના સુરત શહેરના લિંબાયત વિસ્તારમાં પ્રતાપનગરના એક અપાર્ટમેન્ટમાં બની હતી
પ્રતીકાત્મક તસવીર
સુરત શહેરના લિંબાયત વિસ્તારમાં આવેલા પ્રતાપનગરના એક અપાર્ટમેન્ટના ચોથા માળે બારીમાંથી નજર નીચે પડતાં લોકોની ભીડ જોઈ ડરના મારે એક મહિલા નીચે દોડી ગઈ હતી. લોકોએ કહ્યું કે એક બાળક નીચે પટકાતાં તેને મહોલ્લાના છોકરાઓ હૉસ્પિટલ લઈ ગયા છે. આ સાંભળી મહિલાના હોંશ ઊડી ગયા અને તેણે તાત્કાલિક પતિ વસીમ અન્સારીને જાણ કરતાં તે પણ દોડીને ઘરે આવી ગયો હતો.
એક મહિના પહેલાં જ તેઓ પરિવાર સાથે અપાર્ટમેન્ટમાં ભાડાના મકાનમાં રહેવા આવ્યા હતા. વારીશ તેમનો એકનો એક દીકરો હતો. ૫૫ કલાકમાં ૫૦ હજાર ખર્ચ કર્યા બાદ પણ એને બચાવી ન શક્યા. બેડ અને બારી વચ્ચે માત્ર બે ફુટનું જ અંતર હતું.
આ ઘટના સુરત શહેરના લિંબાયત વિસ્તારમાં પ્રતાપનગરના એક અપાર્ટમેન્ટમાં બની હતી. વસીમની પત્નીએ દીકરા વારીશ સાથે બપોરનું ભોજન કરી રૂમનો દરવાજો બંધ કરી દીકરાને મોબાઇલ પર કાર્ટૂન જોવા આપી વૉશરૂમ ગઈ હતી ત્યારે આ કરુણ ઘટના બની હતી.