Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > ગુજરાત સમાચાર > આર્ટિકલ્સ > દેશભરમાંથી પોલીસ ડિપાર્ટમેન્ટના ૧૧૦૦થી વધુ રમતવીરો અમદાવાદમાં

દેશભરમાંથી પોલીસ ડિપાર્ટમેન્ટના ૧૧૦૦થી વધુ રમતવીરો અમદાવાદમાં

Published : 20 November, 2026 07:50 AM | IST | Ahmedabad
Gujarati Mid-day Correspondent | feedbackgmd@mid-day.com

અમદાવાદના વીર સાવરકર સ્પોર્ટ્‍સ કૉમ્પ્લેક્સ ખાતે તૃતીય ઑલ ઇન્ડિયા પોલીસ બૅડ્‍મિન્ટન ક્લસ્ટરનો પ્રારંભ : ૧૦ કેન્દ્રીય પોલીસ-સંગઠનો, ૨૪ રાજ્યો, ૪ કેન્દ્રશાસિત પ્રદેશોની ૩૮ ટીમો બૅડ્‍મિન્ટન અને ટેબલ ટેનિસની સ્પર્ધામાં પોતાનું કૌવત બતાવશે

ઉદ્ઘાટન સમારોહમાં સાંસ્કૃતિક કાર્યક્રમ યોજાયો હતો. તસવીરો : જનક પટેલ, વિવિધ રાજ્યોમાંથી આવેલા પોલીસ વિભાગના ખેલાડીઓ.

ઉદ્ઘાટન સમારોહમાં સાંસ્કૃતિક કાર્યક્રમ યોજાયો હતો. તસવીરો : જનક પટેલ, વિવિધ રાજ્યોમાંથી આવેલા પોલીસ વિભાગના ખેલાડીઓ.


અમદાવાદમાં આવેલા વીર સાવરકર સ્પોર્ટ્‍સ કૉમ્પ્લેક્સ ખાતે ગઈ કાલથી તૃતીય ઑલ ઇન્ડિયા પોલીસ બૅડ્‍મિન્ટન ક્લસ્ટર ૨૦૨૬-૨૭નો પ્રારંભ થયો હતો. ગુજરાત પોલીસની યજમાનીમાં યોજાઈ રહેલા આ રાષ્ટ્રીય કક્ષાના રમતોત્સવનો ગુજરાતના પોલીસ વડા જ્ઞાનેન્દ્રસિંહ મલિકે પ્રારંભ કરાવ્યો હતો. ૧૦ કેન્દ્રીય પોલીસ-સંગઠનો, ૨૪ રાજ્યો, ૪ કેન્દ્રશાસિત પ્રદેશોની ૩૮ ટીમોના પોલીસ રમતવીરો બૅડ્‍મિન્ટન અને ટેબલ ટેનિસની સ્પર્ધામાં ભાગ લેશે.

ગઈ કાલથી શરૂ થયેલી આ ટુર્નામેન્ટ ૨૪ નવેમ્બર સુધી ચાલશે જેમાં ભાગ લેવા માટે દેશભરમાંથી ખેલાડીઓ, ટીમ-મૅનેજરો, કોચ, ટેક્નિકલ અધિકારીઓ અને મહાનુભાવો અમદાવાદ આવ્યા છે. બૅડ્‍મિન્ટન અને ટેબલ ટેનિસની રમતમાં પુરુષ અને મહિલા સહિત ૧૧૫૨ જેટલા ખેલાડીઓ પોતાની પ્રતિભા અને કૌશલ્યનું પ્રદર્શન કરશે. ટુર્નામેન્ટના ઉદ્ઘાટન સમારોહમાં ધ્વજારોહણ સેરેમની યોજાઈ હતી જેમાં ઉપસ્થિત તમામ ખેલાડીઓએ ખેલદિલીપૂર્વક રમવાના શપથ ગ્રહણ કર્યા હતા. આ પ્રસંગે સાંસ્કૃતિક કાર્યક્રમો રજૂ કરવામાં આવ્યા હતા.

કઈ ટીમો?

ગુજરાત ઉપરાંત મહારાષ્ટ્ર, ઉત્તર પ્રદેશ, તેલંગણ, કેરલમ, નાગાલૅન્ડ, મેઘાલય, મણિપુર, ઝારખંડ, કર્ણાટક, હિમાચલ, છત્તીસગઢ સહિતનાં રાજ્યો ઉપરાંત ઇન્ટેલિજન્સ બ્યુરો, નૅશનલ ડિઝૅસ્ટર રિસ્પૉન્સ ફોર્સ (NDRF), સેન્ટ્રલ રિઝર્વ પોલીસ ફોર્સ (CRPF), બૉર્ડર સિક્યૉરિટી ફોર્સ (BSF) સહિતનાં કેન્દ્રીય અર્ધલશ્કરી દળો અને સંસ્થાઓની ટીમો આ સ્પર્ધામાં ભાગ લઈ રહી છે.


Whatsapp-channel Whatsapp-channel

20 November, 2026 07:50 AM IST | Ahmedabad | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK