COVID-19 Vaccine: બ્રિટિશ ફાર્માસ્યુટિકલ કંપની એસ્ટ્રાઝેનેકાની કોરોના રસીની આડ અસરોને લઈને વિશ્વભરમાં ખળભળાટ મચી ગયો છે, કંપનીએ વૈશ્વિક સ્તરે તેની કોરોના રસી પાછી ખેંચવાની પહેલ કરી છે
પ્રતીકાત્મક તસવીર
યુકેની ફાર્માસ્યુટિકલ કંપની એસ્ટ્રાઝેનેકા (AstraZeneca) એ મંગળવારે જાહેરાત કરી હતી કે, તેણે તેની કોવિડ-19 રસી (Coronavirus Vaccine) ની વૈશ્વિક ઉપાડ શરૂ કરી દીધી છે. એટલે કે, માર્કેટમાંથી રસી પાછી ખેંચવાનું શરુ કર્યું છે. કંપનીએ જણાવ્યું હતું કે, તેની રસીમાં થ્રોમ્બોસિસ વિથ થ્રોમ્બોસાયટોપેનિયા સિન્ડ્રોમ (Thrombosis with Thrombocytopenia Syndrome - TTS) ની દુર્લભ આડઅસર થવાની સંભાવના હોવાનું સ્વીકાર્યાના દિવસો પછી રસીના વૈશ્વિક ઉપાડનો નિર્ણય લેવામાં આવ્યો છે. રોગચાળા પછીથી ‘ઉપલબ્ધ અદ્યતન રસીઓના વધારાના’ કારણે ઉપાડ (COVID-19 Vaccine) કરવામાં આવ્યો છે.