Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > ઈન્ટરનેશનલ સમાચાર > આર્ટિકલ્સ > G7ના શિખર-સંમેલન પહેલાં ઇટલીની સંસદમાં મારામારી

G7ના શિખર-સંમેલન પહેલાં ઇટલીની સંસદમાં મારામારી

15 June, 2024 07:36 AM IST | Italy
Gujarati Mid-day Correspondent | feedbackgmd@mid-day.com

ઇટલીના કેટલાક વિસ્તારોને સ્વાયત્તતા આપવાના બિલના મુદ્દે સંસદસભ્યો રીતસરના બાખડી પડ્યા

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


ઇટલીમાં G7 શિખર-સંમેલનન પહેલાં બુધવારે સાંજે ઇટલીની સંસદમાં ઇટલીના કેટલાક વિસ્તારોને સ્વાયત્તતા આપવાના બિલના મુદ્દે સંસદસભ્યો વચ્ચે મારામારી થયાનો વિડિયો બહાર આવ્યો છે અને આ વિડિયો સોશ્યલ મીડિયામાં ખૂબ વાઇરલ થયો છે. બિલના મુદ્દે સંસદમાં વિવાદ શરૂ થયો હતો અને બિલના સમર્થન કરનારા અને વિરોધ કરનારા સંસદસભ્યો વચ્ચે આ વિવાદ મારપીટ સુધી પહોંચી ગયો હતો.


વિપક્ષી પાર્ટીના સંસદસભ્ય લિયોનાર્ડો ડોનો સરકારમાં પ્રધાન રોબર્ટો કૅલડેરોલીને ઇટલીનો ઝંડો આપવાની કોશિશ કરતા હતા, પણ તેમણે ઇનકાર કરી દીધો અને પાછા ખસી ગયા. આ વખતે સંસદસભ્યો એક પછી એક દોડી આવ્યા અને આશરે ૨૦ સંસદસભ્યો વચ્ચે મારપીટ થઈ.



વિદેશપ્રધાન ઍન્ટોનિયોએ આ ઘટના વિશે ખેદ વ્યક્ત કરતાં કહ્યું હતું કે ‘મારી પાસે શબ્દો નથી. અમારે એક ઉદાહરણ પેશ કરવાનું હતું, પણ અમે સમસ્યાનો ઉકેલ લાવવાને બદલે મારપીટ કરી રહ્યા છીએ.’ આ ઘટનામાં ડોનો ઈજાગ્રસ્ત થયા છે, તેમને વ્હીલચૅરમાં સદનમાંથી હૉસ્પિટલમાં લઈ જવા પડ્યા હતા. ઇટલીના ન્યુઝપેપરે આ મુદ્દે લખ્યું હતું કે ઇટલીની સંસદ બૉક્સિંગ-રિંગ બની ગઈ હતી.


Whatsapp-channel Whatsapp-channel

15 June, 2024 07:36 AM IST | Italy | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK