હુમલા પછી તરત જ ચાલુ થયેલી સઘન તપાસમાં હજી સુધી કોઈ એવા સબૂત નથી મળ્યા જેમાં ઈરાનનો સીધો કે આડકતરો હાથ હોય
ફાયરિંગના દોઢ કલાક પછી ટ્રમ્પે મીડિયા સાથે વાતચીત કરી હતી
આ હુમલામાં હાલમાં ચાલી રહેલી તનાવભરી પરિસ્થિતિને કારણે ઈરાન પર શંકા જાય એ સ્વાભાવિક છે. જોકે જ્યારે પત્રકારોએ ડોનલ્ડ ટ્રમ્પને ઈરાનનો હાથ હોવાની સંભાવના વિશે પૂછ્યું ત્યારે તેમણે કહ્યું હતું કે ‘આ કોઈ મોટા ષડયંત્રનો ભાગ હોય એવું લાગતું નથી. મને નથી લાગતું કે આ હુમલા સાથે ઈરાન જોડાયેલું હોય, પરંતુ તમે નથી જાણતા હોઈ પણ શકે. જોકે આવા હુમલા મને ઈરાનનું યુદ્ધ જીતતાં રોકી નહીં શકે. મારી પાસે જે જાણકારી છે એના આધારે હાલમાં મને ઈરાનનો હાથ લાગતો નથી. હુમલાખોર એકલો જ છે.’
હુમલા પછી તરત જ ચાલુ થયેલી સઘન તપાસમાં હજી સુધી કોઈ એવા સબૂત નથી મળ્યા જેમાં ઈરાનનો સીધો કે આડકતરો હાથ હોય. જોકે સીક્રેટ સર્વિસના અધિકારીઓએ હુમલાખોર હિલ્ટન હોટેલની જે રૂમમાં રોકાયો હતો એ રૂમ અને તેના કૅલિફૉર્નિયામાં આવેલા ઘરે તપાસ કરીને હુમલા સાથે કોણ સંકળાયેલું હોઈ શકે એ સમજવાની પ્રક્રિયા આરંભી દીધી છે. FBIનું કહેવું છે કે ‘પ્રારંભિક તપાસમાં આ કોઈ આંતરરાષ્ટ્રીય ષડયંત્ર નથી લાગતું. જોકે સીધો-સીધો ઈરાની એજન્ટનો હુમલો ભલે ન હોય, પરંતુ પૃષ્ઠભૂમિમાં ટ્રમ્પનો ઈરાન સાથે ચાલી રહેલો તનાવ કારણભૂત હોઈ શકે છે.’
ADVERTISEMENT
ટ્રમ્પે સુરક્ષા એજન્સીઓની ત્વરિત કાર્યવાહીની પ્રશંસા કરી હતી, જેના કારણે એક મોટી જાનહાનિ ટળી શકી હતી.
