° °

આજનું ઇ-પેપર
Thursday, 27 January, 2022


શિવસેના સાંસદ પ્રિયંકા ચતુર્વેદીને રાજ્યસભામાં નિલંબિત કરાયા તો ભર્યુ આવું પગલુ

05 December, 2021 06:26 PM IST | Mumbai | Gujarati Mid-day Online Correspondent

ચતુર્વેદી સહિત રાજ્યસભાના 12 સભ્યોને હાલના સત્રના બાકીના સમયગાળા માટે અધ્યક્ષ દ્વારા બેકાબૂ વર્તનને કારણે સસ્પેન્ડ કરવામાં આવ્યા છે.

પ્રિયંકા ચતુર્વેદી (ફાઈલ ફોટો)

પ્રિયંકા ચતુર્વેદી (ફાઈલ ફોટો)

શિવસેના (Shiv sena)ના સાંસદ પ્રિયંકા ચતુર્વેદી (Priyanka chaturvedi)એ રવિવારે સંસદ ટીવી છોડી દીધું છે. રાજ્યસભામાંથી સસ્પેન્શનના વિરોધમાં તેમણે આ પગલું ભર્યું હતું. ચતુર્વેદી સહિત રાજ્યસભાના 12 સભ્યોને હાલના સત્રના બાકીના સમયગાળા માટે અધ્યક્ષ દ્વારા બેકાબૂ વર્તનને કારણે સસ્પેન્ડ કરવામાં આવ્યા છે.

સાંસદ પ્રિયંકા ચતુર્વેદી સંસદ ટીવીના શો `મેરી કહાની`ની એન્કર હતી. 5 ડિસેમ્બરે રાજ્યસભાના અધ્યક્ષ વેંકૈયા નાયડુને લખેલા પત્રમાં સાંસદ ચતુર્વેદીએ લખ્યું હતું કે, `મારા મનસ્વી સસ્પેન્શને સ્થાપિત સંસદીય ધોરણો અને નિયમોનું સંપૂર્ણ ઉલ્લંઘન કર્યું છે. મારા અવાજને દબાવવા માટે, મારા પક્ષના અવાજને ચેમ્બરની અંદર રાખવામાં ન આવે તે માટે આ પગલું ભરવામાં આવ્યું હતું. જ્યારે મને બંધારણના મારા પ્રાથમિક શપથ પૂરા કરવાનો ઇનકાર કરવામાં આવી રહ્યો છે ત્યારે હું સંસદ ટીવીમાં સેવા આપવા તૈયાર નથી.`

ઓગસ્ટમાં સંસદના ચોમાસુ સત્ર દરમિયાન રાજ્યસભામાં અધ્યક્ષ નાયડુ દ્વારા વિપક્ષના 12 સાંસદોને અભદ્ર વર્તન બદલ સસ્પેન્ડ કરવામાં આવ્યા છે. તેમાંથી છ કોંગ્રેસના બે-બે શિવસેના અને તૃણમૂલ અને એક-એક સીપીઆઈ(એમ) અને સીપીઆઈના છે. આ કાર્યવાહી ગત સોમવારે કરવામાં આવી હતી. આ તમામ સાંસદોને ચાલુ શિયાળુ સત્ર માટે સસ્પેન્ડ કરવામાં આવ્યા છે. વિપક્ષે આ સસ્પેન્શનને અલોકતાંત્રિક અને ઉપલા ગૃહના નિયમો અને પ્રક્રિયા વિરુદ્ધ ગણાવ્યું છે.

અધ્યક્ષ નાયડુને લખેલા પત્રમાં પ્રિયંકા ચતુર્વેદીએ કહ્યું કે, `આ સસ્પેન્શન મારા સંસદીય ટ્રેક રેકોર્ડને બગાડવા માટે કરવામાં આવ્યું છે.` `મેરી કહાની` કાર્યક્રમના સ્પષ્ટ સંદર્ભમાં તેમણે કહ્યું, મહિલા સાંસદોને તેમની મુસાફરી શેર કરવા માટે એક પ્લેટફોર્મ પ્રદાન કરવાના મારા યોગદાનનું અપમાન કરવા માટે પણ આ પગલું લેવામાં આવ્યું છે, જ્યારે આ પહેલ મારી ફરજોથી આગળ વધી ગઈ છે. હું તેને અન્યાય માનું છું, પરંતુ અધ્યક્ષની નજરમાં તે માન્ય છે.`

05 December, 2021 06:26 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

Mumbai Covid-19 Update: મુંબઈમાં કોવિડ-19ના 1858 કેસ, 13ના નિધન

મુંબઈમાં છેલ્લા ત્રણ દિવસથી રોજના 2000થી ઓછા કેસ સામે આવી રહ્યા છે. નવા કેસની સાથે સંક્રમિતોની સંખ્યા વધીને 1040363 જ્યારે મૃતક સંખ્યા 16,569 થઈ ગઈ છે.

26 January, 2022 09:18 IST | Mumbai | Gujarati Mid-day Online Correspondent
મુંબઈ સમાચાર

Building Collapsed : મુંબઈના બાન્દ્રામાં બહુમાળીય બિલ્ડિંગ ધસી પડી, જાણો વધુ

મુંબઈના બાન્દ્રા (પૂર્વ) બેહરામ નગર વિસ્તારમાં 5 માળની બિલ્ડિંગ પડી જતાં 7 જણના ફસાયાની શક્યતા છે.

26 January, 2022 07:46 IST | Mumbai | Gujarati Mid-day Online Correspondent
મુંબઈ સમાચાર

Maharashtra: મુખ્યમંત્રીએ આપી શુભેચ્છાઓ, ફરકાવ્યો રાષ્ટ્રધ્વજ

ઠાકરેએ એક મેસેજ દ્વારા નાગરિકોને શુભેચ્છાઓ આપી અને આ વાતનો વિશ્વાસ અપાવ્યો કે સંગઠિત દેશ કોઈપણ ચેતવણીનો સામનો કરી શકે છે.

26 January, 2022 04:14 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK