મહારાષ્ટ્રના બીડમાં ફટાકડો હાથમાં જ ફૂટી જતાં 6 વર્ષના બાળકે એક આંખ ગુમાવી

ડાબી આંખમાં ગંભીર ઈજા પામેલા છોકરાને શરૂઆતમાં બીડની સિવિલ હૉસ્પિટલમાં લઈ જવામાં આવ્યો હતો અને બાદમાં તેને સારવાર માટે ખાનગી હૉસ્પિટલમાં ખસેડવામાં આવ્યો હતો. વિસ્ફોટને કારણે બાળકનો કોર્નિયા સંપૂર્ણપણે નુકસાન થયું હતું અને તેણે એક આંખની દ્રષ્ટિ ગુમાવી.

પ્રતિકાત્મક તસવીર: સૌજન્ય મિડ-ડે

મહારાષ્ટ્રના બીડ શહેરમાં દિવાળીની ઉજવણી દરમિયાન હાથમાં ફટાકડો ફૂટી જવાથી 6 વર્ષના બાળકની એક આંખની દ્રષ્ટિ ગુમાવી દીધી, એમ તેની સારવાર કરી રહેલા એક ડૉક્ટરે મંગળવારે જણાવ્યું હતું.

શું છે સંપૂર્ણ ઘટના

ADVERTISEMENT

સોમવારે સાંજે શહેરના નાગોબા ગલ્લીમાં રહેતો એક બાળક ફટાકડા ફોડી રહ્યો હતો ત્યારે આ ઘટના બની હતી. ફટાકડા ફોડવામાં નિષ્ફળ જતાં, છોકરાએ બીજી વાર ફટાકડા ફોડવાનો પ્રયાસ કર્યો અને તે ફૂટ્યો. ડાબી આંખમાં ગંભીર ઈજા પામેલા છોકરાને શરૂઆતમાં બીડની સિવિલ હૉસ્પિટલમાં લઈ જવામાં આવ્યો હતો અને બાદમાં તેને સારવાર માટે ખાનગી હૉસ્પિટલમાં ખસેડવામાં આવ્યો હતો. વિસ્ફોટને કારણે બાળકનો કોર્નિયા સંપૂર્ણપણે નુકસાન થયું હતું અને તેણે એક આંખની દ્રષ્ટિ ગુમાવી દીધી છે, એમ ખાનગી હૉસ્પિટલમાં ડૉક્ટરે જણાવ્યું. ડૉક્ટરે માતાપિતાને અપીલ કરી છે કે જ્યારે તેમના બાળકો ફટાકડા ફોડે ત્યારે સતર્ક રહે.

દિવાળી દરમિયાન શ્વાસ સંબંધિત તકલીફોથી બચો

દિવાળીમાં અને દિવાળી પછી પણ શ્વાસ સંબંધિત તકલીફોની ફરિયાદ લઈને ડૉક્ટર પાસે પહોંચી જનારા દરદીઓ ઘણા વધારે પ્રમાણમાં હોય છે. ફટાકડાના ધુમાડામાં ટૉક્સિક ડસ્ટ હોય છે જે શ્વાસ મારફત સરળતાથી ફેફસાંમાં જતી રહે છે. જ્યારે આ ધુમાડો નાકમાં શ્વાસ સાથે જાય ત્યારે પહેલાં એ શ્વાસ નળીમાં જાય છે. એ ધુમાડામાં રહેલાં કેમિકલ શ્વાસનળીને ઇરીટેટ કરે છે જેને લીધે એ ભાગમાં સોજો આવી શકે છે. સોજો આવી જવાને કારણે ટ્યુબ નાની થઈ જાય છે એટલે કે શ્વાસને જવાનો રસ્તો ઘટી જાય છે. એને લીધે તમને ખાંસી શરૂ થઈ જાય છે અને શ્વાસ લેવામાં તકલીફ પડે છે.

આ ધુમાડાથી સૌથી વધુ અસરગ્રસ્ત બીમાર લોકો થાય છે. આ સિવાય બાળકો અને વૃદ્ધો પણ ખૂબ જલદી અસર પામે છે. શ્વાસની તકલીફ આમ તો કોઈ પણને થઈ શકે છે પરંતુ મોટા ભાગે અસ્થમાના દરદીઓને અને જે લોકો વધુ સ્મોક કરે છે એ સ્મોકર્સને તો થાય જ છે. કારણ કે અસ્થમાના દરદીઓમાં શ્વસનનો આખો માર્ગ હાઇપર સેન્સિટિવ હોય છે. થોડો પણ પ્રૉબ્લેમ તેમને તરત જ અસર કરે છે. જ્યારે સ્મોકર્સની વાત કરીએ તો એ લોકોના શ્વસન માર્ગમાં પહેલેથી જ સોજો હોય છે એટલે થોડો પણ આ ઝેરી ધુમાડો તેમના શ્વાસમાં જાય કે એ લોકો તરત જ બ્રેથલેસ થઈ શકે છે એટલે કે તેમને શ્વાસમાં તકલીફ થઈ શકે છે, છાતી એકદમ ભીંસાતી હોય અને અસ્થમા અટૅક જેવું પણ આવી શકે છે. દિવાળીમાં બ્રૉન્કાઇટિસ અને અસ્થમાની તકલીફમાં મહત્ત્વપૂર્ણ વધારો જોવા મળે છે. આ સિવાય નાનાં બાળકોના ઍરવે આમ પણ ખૂબ નાના હોય છે અને સંવેદનશીલ પણ હોય છે. તેમને આ પ્રકારની અસર ખૂબ જલદી થઈ જાય છે.